Díli, yokalaumedia.com (26/11/2024) – KonselluImprensa asina nota entendimentu ho Polísia Nasionál Timor-Leste PNTL hodi hamentin liberdade imprensa no liberdade espresaun iha Timor-Leste iha salaun kolsellu imprensa Kintal Bo’ot.

Prezidente konsellu imprensa, Otélio Ote, iha nia intervensaun afirma katak akordu  ne’e importante tebtebes  iha relasaun institusionál entre Konsellu Imprensa no PNTL atu hamutuk garante liberdade imprensa ne’ebé konsagra ona iha Lei baze Komunikasaun Sosial (KomSos) Nº. 5/2014, ho nia espíritu mai hosi artigu 19, Konvensaun Direitus Umanus, no mós Konstituisaun RDTL Artigu 40º no 41º ne’ebé vinkula kona-bá “Liberdade Imprensa no Liberdade Espresaun”.

“ha’u hakarak relembra filafali iba ita kona-ba ezisténsia konsellu imprensa hanesan ita hotu hatene katak konsellu imprensa estabelese bazeia ba lei Nº 5/2014  no nia esperitu Mai husi konvensaun Direitu Humanos artigu 19º no mós kontituisaun RDTL artigu 40 ho 41 ne’ebé tara kona-ba Liberdade imprensa no liberdade espresaun. No estabelese iha 2016 ate agora kompleta ona tinan walau(8), iha tinan da-8 ida ne’e ita hare meios komunikasaun sosiál buras tebes ate ohin meius komunikasaun ne’ebé rejistu iha konsellu imprensa hamutuk 57 no ita nia jornalista sira ne’ebé rejistu KI ne’ebé hetan ona karteira profisionál besik ema 400”, afirma Ote ba jornalista sira iha 21/11/2024

Nia mos  akresenta katak, liuhusi Kooperasaun ida ne’e ho objektivu atu hametin liu tan liberdade imprensa no liberdade espresaun no mos hasae kuiñesimentu  Polísia ho jornalista sira nian.

“nota entendimentu ohin ita amenta pontu rua importante los, ida eleva kuiñesimentu kona-ba lei komunikasaun sosiál no eleva papel instituisaun rua ne’e nian. Ho nu’une’e tinan oin ita implementa ona akordu ida ne’e ho ita sei hare intendimentu jornalista sira nia atuasaun ba kobertura no produtu jornalistiku no PNTL nia prejensa oinsa mak atu rezolve problema jornalista nian iha terenu no halo atuasaun ba produtu jornalistiku sira nian, ho ida ne’e nia benefisiu mak oinsa ita buka atu minimiza desentendimentu entre polícia ho komunidade mídia no minimiza produsaun notisia ne’ebé la la’o tuir Kódigu étika jornalista ne’ebé la halo ho profisionál”, Hakotu nia.

Iha fatin hanesan Komandante jerál PNTL, Komisáriu Jerál Polísia, Henrique da Costa, subliña katak, akordu ne’ebé sira asina, la’ós buat ne’ebé foun, maibé, akordu ida ne’e hahú tiha  ona iha tina ha’at liu ba, ne’ebé asina husi  komandante jerál sesante, Komisáriu Polísia Faustino da Costa, ho Prezidente konsellu imprensa Sesante, Virgílio da Silva Guterres.

“Tanba akordu ne’e kaduka ona, liuhosi atual prezidente konsellu ho komandante jerál foun, presiza haree hamutuk fila-fali, molok ita asina, parte jurídisaun hosi PNTL ninian, ho mós  hosi parte konsellu imprénsa ninian, sira haree hamutuk ba esbosu refee no oihin ita asina fila-fali ,” hateten, Henrique da Costa, bá jornalista sira iha entrevista.

Enkuantu iha serimonia asina nota entendimentu ida ne’e partisipa mós husi parte governu nia liuhusi Sekretáriu estadu komunikasaun sosiál (SEKOMS), Expedito Dias Ximenes, justifica Katak IX Governu apoiu totalmente ba inisiativa ida ne’e tanba bele promove domokrasi iha RDTL ida ne’e.

Jornalista: Joanito Rangel.

 121 Tatal Lee,  2 Views Today