Díli-yokalaumedia.com, 20/05/2023- Timor-Leste kompleta tan ona tinan ida ba nia loron restaurasaun independensia ba dala 21 iha palasiu prezidente Aitarak laran, Komemorasaun ne’e hala’o ho hasa’e bandeira nasionál ne’e prezide husi Xefe Estadu, José Manuel Ramos Horta.

Pesidente Repúblika Demokratika Timor-Leste, José Manuel Ramos Horta, Iha diskursu, felisita governu lideradu husi Taur Matan Ruak tanba hatene jere nasaun hodi ultrapasa situasaun difisil sira.

“Nasaun presiza ita hotu, sei la iha elementu ka grupu ne’ebe derotadu tanba kesi ona ho ita nia kultura, selebrasaun demokrasia ne’e dinamika no iha abut ona. Ha’u hakarak felisita no agradese ba 8 governu tamba imi nia produtividade lejislativa no ha’u mos agradese Prezidente Parlamentu Nasionál ne’ebe sempre ho prontidaun hodi  halo diálogu ho ha’u nuudar prezidente no koperasaun institusionál, felisita mos Na’i Primeiru-Ministru, Jenerál Taur Matan Ruak, tamba ita hatene halo zestaun ba situasaun ne’ebe difisil teb-tebes, kriji polítika dezastre naturál no pandemia covid-19″, haktuir Ramos Horta.

Horta mos hato’o votu susesu ba partidu politiku sita ne’ebe tuir eleisaun Parlamentar tinan ne’e no husu atu kontinua hamutuk iha unidade hodi dezenvolve nasaun ne’e.

Entretantu, Ladislau Coreia do Santos “Sani-Wemoris”, hanesan funu-na’in, sente triste tanba veteranu barak mak la partisipa iha loron istóriku refere.

” la hatene komisaun omenazen fo konvite ba maluk veteranu sira ne’e ka lae , ha’u nu’udar kombatente ida sente triste tanba ita la valoriza ita nia loron Importante sira hanesan ne’e, aban bainrua ita nia oan sira konsidera loron importante sira ne’e hanesan loron baibain”, afirma Sani-Wemoris.

Veteranu ne’e mos husu ba governu foun tuir mai atu kolabora ho veteranu sira hodi partisipa iha komemorasaun loron importante sira hanesan 20 de Maio no 28 de novembro no loron istóriku sira seluk, no husu mos atu veteranu sira hasae bandeira nasional iha idaidak nia uma oin. Hakotu nia.

Reportagem : Joanito Rangel

 748 Tatal Lee,  1 Views Today