Paulo Alves husu traballador timor-oan atu servisu ho disiplina no badinas

Dili, yokalaumedia.com  (07/07/2023)-Sekretariu Estadu Formasaun Profesional (SEFOPE) realiza serimonia despedida no asina deklarasaun ba trabalador timor-oan na’in 35 ne’ebe sei aranka ba Koreia do Sul semana ne’e.

“Normalmente prosesu departur ou haruka ema ba rai liur iha Korea do Sul ne’e hahu inisiu kedas ita realiza serimonia despedida no asina deklarasaun ba trabalador 35 ba servisu iha area peskas nian”, hateten Diretor Paulo Alves, iha salaun Timor a Comoro, sexta-feira, (07/07).

Paulo haktuir ida ne’e atu aumenta tan numeru ne’ebe haruka ona ba Korea do Sul  kuaze 4 mill oito sento ne’ebe mak sei eziste desde 2009 to’o agora no deklarasaun mak sai hanesan lei ou regulamentu ida hodi kesi entre sira ho governu.

“Pontus importante ne’ebe mak hakerek iha deklarasaun mak tenki haruka osan mai Timor, labele komete ilegal no kontratu remata tenki fila mai timor ”, sublina Alves.

Aleide ne’e mos diretor husu ba traballador sira tenki servisu ho disiplina, hatudu komportamentu diak.

“servisu tenki tuir regra kompania nian no tuir kontratu ne’ebe mak asina ona ne’ebe hateten katak tinan 1 to’o tinan 3 mak bele mai Timor, no labele komete krime ruma hodi taka dalan fali ba maluk timor oan sira ne’ebe agora prepara-an hela no registu atu tuir teste hamutuk 13 mill”, husu Paulo Alves.

Entretantu, Ilario Barreto Pereira, Traballador, sente orgullu no kontete tamba bele hetan ona oportunidade hodi ba servisu iha Korea do Sul

“Ha’u sente orgullu tamba durante tempu naruk nia laran esforso-an, hau hein ho fuan ho laran ohin determina duni hau nia mehi ne’e”, tenik Ilario.

Tuir planu katak Timor-oan hirak ne’e sei aranka iha domingo semana ne’e ba Koreia do Sul.

Reportagem : Eva Ximenes

 1,679 Tatal Lee,  2 Views Today