Díli, yokalaumedia.com (18/07/2023) – Embaixada Japaun iha Timor-Leste nu’udar instituisaun UNAFEL hamutuk ho ON-ODC hala’o visita ba prizaun Becora, hodi ko’alia konaba formasaun ba guarda prizionál sira.

“Ohin ami mai vizita fatin ne’e nu’udar instituisaun UNAFEL hamutuk ho ON-ODC, objetivu husi vizita ne’e atu implementa programa ne’ebe bele suporta no reforma guarda prizional sira iha Timor-Leste”, hateten Junko Irie, Vise-Directora Unafel, iha Prizaun Becora, Tersa-Feira, (18/07) ne’e.

Junko haktuir katak governu Japaun mak suporta fundus liu husi Instituisasun UNAFEL hamutuk ho ON-ODC hodi implementa programa ne’e.

“Ami nafatin fo treinamentu, formasaun ba ita nia guarda prizionál sira, no ami mos suporta ekipamentu hodi garante no asegura ba ita nia guarda sira ne’e”, sublina Junko.

Iha fatin hanesan Director estabelesimentu prizionál Becora, João Domingos, sente kontente ho vizita ne’e no hateten katak visita ne’e bele hare’e liu ba guarda prizionál sira no dadur sira nia situasaun iha prizaun laran.

“objetivu prinsipál husi vizita ne’e mak atu fó formasaun espesífiku gestaun prisionál ba guarda prizionál sira ne’ebe mak sei dura loron tolu husi quarta-feira to’o sexta feira fulan jullu tinan 2023 no sei realiza iha ministériu justisa”, esklarese João Domingos.

Diretor ne’e mós haktuir katak prizoñeru sira dadaun ne’e prizaun Becora akumula rekluzu eh dadur hamutuk 447 inklui feto na’in 4 ne’ebe halo hela tratamentu médiku, iha tinan kotuk estabelesimentu ne’e akumula prizioneiru 606, prisaun preventiva hamutuk 87 sira seluk prizaun kordenadu. Inklui mós dadur estranzeiru nain 3.

Tuir planu Ekipa ne’e mos sei vizita prizaun Glenu hodi trata asuntu hanesan ho guarda prizionál sira.

Reportagem : Mário da Cruz (Kontributór) & Eva Ximenes (Revizora)

 1,559 Tatal Lee,  1 Views Today