Graduasaun PSHT 2023, KRAM husu lista Membru foun

Díli, yokalaumedia.com (02/08/2023) – Komisaun Reguladora Artemarsiais (KRAM) husu membru foun oraganizasaun artemarsiais persaudaraan setia hati Terate (PSHT) atu komunga no banati nafatin doutrina Oraganizasaun nian ne’ebe estabelesida ona, molok tama ba loron graduasaun ba membru foun tinan 2023, ne’ebe sei hala’o iha fulan agostu ne’e.

Alerta ida ne’e, presidente Komisaun Reguladora Artemarsiais (KRAM), Octaviano da conseição “Anus”, hasai liu husi komferensia imprensa ne’ebe realiza iha Lecidere Kuarta feira (02/08) ne’e.

“KRAM nafatin husu ba responsável Oraganizasaun nian no membru Sira  tenki kumpre doutrina ne’ebe mak organizasaun rasik estabelese ona no tenki tane as duni doutrina Persaudaraan setia hati Terate (PSHT) hafoin fo graduasaun ba membru foun sira”, husu Octaviano da Conceição.

Prezidente nee haktuir Tan katak, prinsipiu importante sira ne’ebe organizasaun Artemarsial ne’e, membru sira, espesialmente graduante 2023 tenki domina no kumpre nafatin.

“Doutrina Husi setia hati Terate nee iha buat tolu nebe importante, ida hakbesik an ba maromak rua Tenki halo relasaun huamana ho ema ida ba ema seluk ka persaudara an tolu Tenki relasaun Diak Ema ho natureza ida nee mak azarang Husi PSHT nian hodi regulariza membru Sira ho treinadore Sira hotu ne’ebe Mak iha oraganizasaun ne’e Nia Laran”, subliña Ocataviano.

Prezidente Komisaun ne’e mos kontinua husu ba estrutura ezekutiva PSHT atu aprezenta lista membru foun ka graduante sira  no aprezenta mos dokumentu husi konvidadu sira ne’ebe mak mai husi Indonézia.

“Ami mos sei husu ba sira (PSHT) hodi aprezenta lista kandidatu hodi hatene lolos katak iha graduasaun ne’e ejiste ema hira, mai husi ranting ne’ebe nian no pelatih Ka guru besar sira husi Indonézia ne’e na’in hira mak sei partisipa iha graduasaun refere, no husu ba sira tenki hatudu sira nia viza”,  hakotu Anus

Reportagem : Rhiano Martins (Kontributór) & Eva Ximenes (Revizora)

 2,360 Tatal Lee,  2 Views Today