DÍLI, yokalaumedia.com (03/08/2023) – Uaituli FC mantein ho valor 3 hafoin halakon makikit FC ho skor 3-2 iha jogu dahuluk nian no iha segundu jogu kontra Akademia Hera FC  ne’ebe hala’o iha Kampo Demokrasia eh Kampo FFTL Díli iha loron 02/08/2023 ne’e.

Iha jogu ba dalarua nian ne’e Uaituli FC derrota ho Akademia Hera FC ho skor 2-0 nune’e fo oportunidade ba Akademia Hera FC hodi hetan valor 3.

Relasiona ho rezultadu ne’e, treinador husi Uaituli FC Sebastião dader Soares hateten, jogu ekipa rua la’o Di’ak Tebes maibe lakon husi Lina defeza nian tanba la dun kontrola bola ho di’ak.

“Hanesan Ita hotu ohin hare iha jogu ne’e ekipa rua hala’o jogu ho tátika ne’ebe di’ak tebes, maibe ami lakon kontrolu iha liña defeza nian tanba ne’e golu rua ne’ebe mak lansa husi ekipa Akademia nian livre tanba lina defeza lakon kontrolu” Dehan treinador Sebastião dader Soares, ba yokalaumedia.com Kuarta 02/08/23 iha Kampo FFTL Díli.

Treinador ne’e rekorda katak sei hadi’a mentalidade jogador Sira nian hafoin kompete fali iha jogu Tuir Mai sei hasoru Likisa FC iha segunda semana oin fulan ida Ne’e.

Ami sei hadi’a fila fali Ami nia mentalidade jogu nian hodi hein fali jogu tuir Mai no ami tenki esforsu Liu Tan hodi rekolia Fila fali Pontus balun nue’e Ami bele hakat iha faze tuir Mai” Dehan Sebastião.

Reportagem : Rhiano Martins (Kontributór) & Eva Ximenes (Revizora)

 2,020 Tatal Lee,  2 Views Today