Opiniaun: 𝑯𝑨𝑴𝑨𝑻𝑬 𝑺𝑨𝑼𝑫𝑨𝑫𝑬𝑺 𝑰𝑯𝑨 𝑵𝑶𝑵𝑶𝑲 𝑵𝑰𝑨 𝑳𝑨𝑹𝑨𝑵

Makerek-na’in: Aniceto dos Reis

𝑻𝒖’𝒖𝒓 𝒎𝒖𝒓𝒐𝒏 𝒅𝒆’𝒊𝒕, 𝒍𝒂 𝒊𝒉𝒂 𝒌𝒂𝒏 𝒂𝒕𝒖 𝒉𝒂𝒍𝒐 𝒃𝒖𝒂𝒕 𝒔𝒆𝒍𝒖𝒌 𝒊𝒅𝒂, 𝒆𝒏𝒆𝒓𝒋𝒊𝒂 𝒍𝒂 𝒊𝒉𝒂, 𝒕𝒂𝒏 𝒉𝒂𝒌𝒂𝒓𝒂𝒌 𝒏𝒆’𝒆 𝒃𝒖𝒂𝒕 𝒖𝒍𝒖𝒌 𝒏𝒊𝒂𝒏, 𝒎𝒐𝒓𝒊𝒔 𝒖𝒍𝒖𝒌 𝒏𝒊𝒂 𝒇𝒊𝒍𝒂-𝒎𝒂𝒊, 𝒂𝒕𝒖 𝒔𝒆𝒏𝒕𝒆 𝒌𝒂𝒕𝒂𝒌, 𝒎𝒖𝒏𝒅𝒖 𝒏𝒆’𝒆 𝒐𝒌𝒖𝒑𝒂 𝒉𝒖𝒔𝒊 𝒆𝒎𝒂 𝒏𝒂𝒕𝒐’𝒐𝒏 𝒏𝒆’𝒆𝒃𝒆́ 𝒕𝒖𝒍𝒂 𝒅𝒐𝒎𝒊𝒏 𝒏𝒆’𝒆 𝒅𝒆’𝒊𝒕 𝒎𝒂𝒌 𝒐𝒌𝒖𝒑𝒂, 𝒔𝒆𝒍𝒖𝒌 𝒎𝒂𝒌 𝒊𝒉𝒂 𝒑𝒍𝒂𝒏𝒆𝒕𝒂 𝒔𝒆𝒍𝒖𝒌.

Kada hakat ne’e, sente buat-hotu hatodan, lia murak ne’ebé hafutar moris ne’e mos sente ba la iha ona beran, atu fo enerjia ba hakat sira ne’e, sente ba dalan ne’ebe liu ne’e sanak rihun ba rihun, susar atu hili ida.

“Porra, sente ba torradu demais, la iha energia halo buat foun ida pa, merda!” lian frustradu mosu iha neon, tan deskontente ho saida mak hakat no hakur liu ne’e.

Fatin tu’ur iha sikun ida iha luron ne’e, dala ruma nia iha na’in karik, nia karan dada hikas ha’u ba kasu lia iha nia, tan uluk, midar no moruk,  mak fakar iha fatin ne’e, no laran ne’e hakaran atu ba hikas no hafutar fali nia ho lia murak sira.

Hakbi’it-an hakat sai no bisu-bisu ba nia an, ”saudades ida ne’e, nia dikin la iha, hamate hotu ha’u nia kbi’it, atu la’o tan, ha’u tenke ba, fatin sikun ne’ebá, na’in hein hela ha’u, dala ruma nia fo, I’is foun mai, fo beran ba ha’u, atu hakat tan.”

La’o ba anin suhut kona isin ne’e, buat murak liu ba ne’e, mak kompletu kedas, rekupera hotu, saida mak mer, moruk eh midar iha momentu liu ba ne’e, sente laran ne’e la hakmatek, tan frustradu ho realidade iha oin ne’e.

To’o iha sikun ne’e, sadere netik banku oan ne’ebe uluk ema laran luak balun mak hedi hela ai-kabelak balun, para ema balun buka biban karik mai kasu lia ba malu, lia domin, lia bosok, eh lia bobar, iha fatin ne’e riku ba lia.

Neon ne’e todan, maibe fatin ne’ebe nakonu ho lia ne’e, sente ba rona bisu-bisu katak, “kada minute ida iha nia realidade, buat hotu sempre muda, ohin no aban, sempre iha  muda no muda ba oin, fiar ba realidade, ok” derepente hakfodak, “se mak ko’alia ba ha’u, se mak bisu bisu mai ha’u, los duni ha’u mai duni iha ne’e atu kasu ha’u nia laran susar.”

Hanoin nafatin, maibe karik dala ruma, mahein fatin ne’e, mak teri netik, atu labale hanoin naruk, buka atu simu saida mak iha oin ne’e no sente duni katak, fatin kmo’ok ne’e serve atu kasu lia, ba hirak be laran todan.

Husi sikun ne’e duni, kadeira oan ne’e, dala ruma laran susar karik, sente iha mahein be fo ksolok no teri netik, atu neon ne’ebe la’o iha dalan tu’uk karik, dehan para ona! Loke dalan seluk, tan nia, la’os o nia dalan.

Dala ruma ko’alia mesa-mesak, “eipa, los ona, lalika melankodis demais” to’o ona, derrpente muron tiha lia ida tenik mai, “mak ona ne’e, realidade aban bele muda, maibe ida ohin nia labiban ona, tanba o homan ona orseik,” hakfodak konfuzu ho lia ne’e, maibe nia fo kbi’it mai, atu hakat ba, la’os ba dalan sikun ka sanak, maibe ba dalan ida, ne’ebe la iha kurva.

Obrigadu tanba sani netik prosa ne’e.

Finalidade: (Artigu/prosa nee ne’e atu kontribui ba promove leitura, pensamentu kritiku no hakle’an koñesimementu iha area oi-oin)

 7,688 Tatal Lee,  3 Views Today