Dili, yokalaumedia.com (04/09/2023)- Ministtu Asuntu konbatente Libertasaun Nasionál(MACLN-sígla Portugéz) Gil da Costa “Oan Soru” hamutuk ho estrutura hotu parabeniza povu timor liu husi komunikadu imprensa,iha salaun 3 de Março Maubai,comoro.

Ministtu Asuntu konbatente Libertasaun Nasionál(MACLN-sígla Portugéz Gil da Costa “Oan Soru” haktuir ktak lori estrutura hotu hahu husi nasional, rejionál, munisípiu, postu, suku  to’o aldeia  hodi parabeniza  ba povu Timor leste.

 “hanesan ministru veteranos lori veteranu hotu-hotu nia naran espesialmente ministériu no konsellu konbatente ba libertasaun nasionál hato’o ami nia  parabens ba povu tomak ne’ebé ohin halo nia tinan rua nulu resin-haat ba ita boot sira terus durante tinan ruanulu resin haat, ita bo’ot sira mos rona rezultadu konsulta populár ne’ebe fo sai katak povu Timor-Leste  manan ninia independénsia ida ne’e liu husi nia terus durante tinan ruanulu resin haat,” haktuir Oan Suru.

Governate ne’e afirma katak Iha loron ida ne’e atu hanoin hikas ba desizaun ne’ebe deside ba ukun rasik-an ne’ebe determina husi referendu iha loron 30 fulan Agostu tinan 1999.

“ita nia  familia sira terus durante tina ruanulu resin haat nia laran hodi sosa independénsia ida ne’ebé mak Timor oan hotu-hotu ba hamriik iha urnas oiun  iha teritóriu timor laran tomak hodi fo sira nia votu, no sira hatene katak sira nia votu ida ne’e mak sei determina libertasaun total ba povu no ba patria. No approveita loron ida ohin ita relembra fila fali loron ne’ebé povu timor rona rezultadu husi referendu ne’e rasik, nune’e ohin ita halo reflesaun ba tinan ruanulu resin haat depois rezultadu konsulta populár”, afirma Governante

Iha fdatin hanesan,Oan soru husu ba foinsae sira atu rona no halo tuir heroi sira nia ain fatin.

“husu ba hotu-hotu espesialmente ba foin sae sira mai ita hamutuk halo reflesaun ho heroi sira ne’ebé ohin loron ida rua sei iha hodi reflete hikas ba pasadu moruk ne’eb’e sira hakat liu hodi atinzi objetivu luta nian”. husu Oan Soru.

Membru governate ne’e mos fo sai dadus ne’be rejistadu iha 2009 ne’e halo tiha ona verifikasaun ba 75% ne’e ekivale 90 tal mill no agora dadauk falta 25%, ho persentájen ida ne’e ekivale ba 30 tal mil iha teritóriu Timor laran tomak.

No ohin  ami sei halo enkontru atu koalia konaba asuntu  ne’e no rezultadu enkontru refere sei anúnsiu ba públiku katak data ne’ebe mak ami sei sai ba munispiu hotu-hotu iha teritóriu tomak atu haree sira ne’ebé pendente hela ho totál 25% ka 30 mil tal ne’ebe agora dadaun iha, ida ne’e sei kompleta ba atividade 120 dias ministériu ba asuntu konbatente libertasaun nasionál tuir programa IX governu nian. informa Oan Soru

Alende ne’e ministru ne’e aprezenta mos kona tratamentu médiku ba konbatente sira iha estranjeiru liu husi junta médiku no inklui asisténsia médiku ba konbatente sira iha rai laran.

 “tratamentu médiku iha estranjeiru depende ba akordu ne’ebé ministériu saúde halo ho hospitál ida ne’ebe ita nia konbatente sira atu halo tratemnetu no aloka orsamentu ba programa refere nafatin manten no governu halo de’it re-estruturasaun, orsamentu hirak mak aloka husi orsamentu jerál iha 2023 re-estrutura mak orsamentu ida ne’e de’it”. nia aprezenta.

Reportagem : Apolinário da Costa

 5,136 Tatal Lee,  3 Views Today