Pedro Klamar Fuik ho Andi Widjajanto deskute reforsu sistema iha área defeza

Díli, yokalaumedia.com (06/09/2023) – ministru Defeza hasoru malu ho governadoór Lemhannas hodi kolia kona ba  kooperasaun iha área kapasitasaun rekursu Umanu iha defesa, espesialmente iha peskiza ho formasaun, iha kuartel jerál fatuhada.

Ministro Defeza, Pedro klamar Fuik esplika katak ba oin Timor-Leste sei servisu hamutuk ho governu Lemhannas Indonesia.

“ohin ita hasoru malu ho governadór Lemhannas nian hanesan institusaun ne’ebe prestíjiu tebes iha Indonesia nu’une’e mos iha mundu, no instituisaun ne’ebe bele fo formasaun nune’e mos halo peskiza ba dezenvolvementu rai ida nian liu-liu ba ukun-na’in sira ne’ebe iha autoridade atu orienta estadu ida nia distinu”, Esplika Klamar Fuik.

Governante ne’e mos hatutan liu tan kona Lemhannas nian apoiu ba servisu ne’ebe sei halo iha kuadru Kooperasaun kapasitasaun nian.

” Lemhannas sei apoiu ba Instituisaun Defeza Nasionál para atu promove kursu de alta diresaun ba Iha ita nian poténsia kantidatu sira e nune’e mos area peskiza nian ne’ebe mak ita nia governu ho prejidente rasik husu kona ba are importante sira hanesan ita nia fronteira, dezemvolvimentu Ekonomiku no arira sira ne’ebe importante ba Timor-Leste ho Indonesia area sira ne’e hotu Lemhannas iha esperensia barak iha peskiza no. iha espernsia barak iha formasaun. No ita bele aprende husi sira no mos bele hametin ita nia konfiansa entre ita no governu Indonesia “. Afirma Pedro Klamar Fuik.

Governadór Institu Defeza Nasional RI  (Lembaga Ketahanan Nasional), Andi Widjajanto, afirma katak sira deskute ho ministro Defeza Timor-oan konaba reforsu sistema defeza nasional no dinámika geo-politika estratéjika no ameasa sira ne’ebe Timor-Leste presija antesipa.

“ami mos sente ida ne’e asuntu importante ida tan bele aumenta ami (LEMHANNAS)nia koñesimentu konaba Timor-Leste no deskute mos ho Ministro Defeza, nu’udar alumni husi LEMHANNAS, konaba futuru kooperasaun iha área defeza entre Timor no Indonézia”, haktuir Andi.

Andi widjajanto mos hatudu nia laran ksolok bainhira governu timorense fo fiar atu serbisu hamutuk ho LEMHANNAS iha futuru.

Reportagem : Joanito Rangel

 8,450 Tatal Lee,  2 Views Today