Díli, yokalaumedia.com (11/09/2023) – Prezidente Repúblika, José Ramos Horta, iha kinta-feira (07/09) ne’e, exonera ona Helder Lopes husi nia knar hanesan Vice-Ministru Finansa liu husi dekretu Prezidente Repúblika nú. 8/2023 ne’ebe bazeia ba alinea h, husi artigu 86 Konstituisaun RDTL, ne’ebe hateten Foti, fó pose no hasai membru Governu nian, tuir proposta husi Primeiru-Ministru, tanba ne’e mak Primeiru-Ministru, Kay Rala Xanana Gusmão, propoin fali Felícia Claudina da Cruz Carvalho hodi hala’o knar nu’udar Vise-Ministra Finansas ne’ebe responsabiliza husi Helder Lopes durante mandatu IX Governu Konstitusionál.

Nomeasaun ne’e fo sai liu husi proposta nomeiasaun nú. 09/PM-GPM/IX/2023, publikadu iha loron 11 setembru 2023 ne’e. Iha proposta ne’e mos esplika katak nomeasaun ne’e bazeia ba nú. 2 artigu 106 konstituisaun RDTL.

Proposta ne’e tama iha vigór bainhira hetan ona apresiasaun husi Prezidente Repúblika, José Ramos Horta.

Reportagem : Mário Cruz

 4,566 Tatal Lee,  1 Views Today