UNICEF ho SEKOMS sei apoia radiu komunidade 17

Díli, yokalaumedia.com (11/09/2023)-Sekretáriu estadu komunikasaun sosiál fo apoiu ba  radiu komunidade, liu husi kooperasaun ne’ebe estabelese ho UNICEF iha salaun Kaikoli, segunda feira ne’e.

Sekretáriu estadu komunikasaun sosiál esplika katak sekoms ho UNICEF sei servisu hamutuk hodi fo apoiu ba radiu komunidade no tau atan ba diretu ba labarik .

“direitu ba labarik mak UNICEF ho Sekoms bele servisu hamutuk hodi kria internet saudável ba labarik sira, hanesan ita hotu hatene katak ohin loron ho avansu teknolojia makaák dalabarak ita nia oan sira uza sala internet ne’ebe iha, tamba  internet ne’ebe sekoms ho UNICEF servisu hamutuk ne’e atu kria oinsa sira bele asesu ba iha edukasaun nian, UNICEF ho Sekoms mos sei revisu hamutuk operador sira hodi halais liña internet”, esplika Expedito.

Sekretáriu estadu ne’e afirma importansia husi radiu komunidade hodi desiminasaun informasaun iha Munisipiu, postu Administrativu, suku no aldeia.

“rádiu komunidade ne’e importante tamba nia mak liña frente hodi fahe informasaun ba komunidade sira iha suku no aldeia tamba ne’e UNICEF sei servisu hamutuk ho Sekoms atu apoiu formasaun ba jestor rádiu komunidade no mos apoiu ekipamentu ba sira“, haktuir Sekoms.

Reprezentante UNICEF iha Timor-Leste, Bilal Aurang Zen Durrani, akresenta katak sei empodera rádiu komunidade sira hodi kria programa prioridade ba labarik sira.

“UNICEF sei fo formasaun ba rádiu komunidade sira hodi hasae sira nia kuiñesimentu atu bele produs programa ba interese labarik sira nian no mos involve labarik sira husi tinan 18 mai karaik no durasaun koperasaun ba programa ida ne’e durante tinan rua entre UNICEF ho Sekoms ba rádiu komunidade hamutuk 17”, akresenta Bilal  Durrani.

Akordu kooperasaun ne’ebe asina husi SEKOMS ho UNICEF ne’e atu promove labarik sira nia asesu ba informasaun liu husi rádiu komunidade no mos internet ho di’ak no fásil.

Reportagem: Joanito Rangel.

 13,159 Tatal Lee,  2 Views Today