Primeiru-Ministru despede atleta na’in 58 ne’ebe sei partisipa iha ASIAN Games 

Díli, yokalaumedia.com (13/09/2023) – Primeiru Ministru (PM), Kay Rala Xanana Gusmão dejeza susesu ba atleta Timor oan hamutuk ema na’in-58 ne’ebé representa Timor-Leste hodi partisipa ASIAN Games 2023 ba dala-19 iha Hangzhou Xina.

Atleta Timor oan 58 ne’e kompostu hosi feto 24 fahe ba atleta feto na’in ualu (8), Ofisiál feto na’in-16 no mane na’in-34 ne’ebé mai hosi federasaun 10 hanesan, Tenis do Campo, Atletismu, Taekwondo, Karate-do, Natasaun, Federasaun Tiru, Boxe, Federasaun Halterofelismo, Badminton no Vollybool Praia.

“𝗪𝗮𝗼𝗼𝗼 𝗶𝗺𝗶 𝗯𝗮𝗿𝗮𝗸 𝗹𝗼𝗼𝘀 𝗻𝗲’𝗲, 𝗵𝗮’𝘂 𝗱𝗲𝗷𝗲𝘇𝗮 𝘀𝘂𝘀𝗲𝘀𝘂 𝗯𝗮 𝗶𝗺𝗶 𝗵𝗼𝘁𝘂, 𝘁𝗲𝗻𝗸𝗶 𝗵𝗮𝗻𝗲𝘀𝗮𝗻 𝗻𝗲’𝗲 𝗱𝘂𝗻𝗶, 𝘁𝗮𝗻𝗯𝗮 𝗵𝗼 𝗱𝗲𝘀𝗽𝗼𝗿𝘁𝘂 𝗺𝗮𝗸𝗮 𝗶𝘁𝗮 𝗯𝗲𝗹𝗲 𝗽𝗿𝗼𝗺𝗼𝘃𝗲 𝗶𝘁𝗮 𝗻𝗶𝗮 𝗿𝗮𝗶𝗻 𝗻𝗼 𝗵𝗮𝘁𝘂𝗱𝘂 𝗶𝗺𝗶 𝗻𝗶𝗮 𝘁𝗮𝗹𝗲𝗻𝘁𝘂 𝗵𝗼 𝗽𝗿𝗼𝗳𝗶𝘀𝗶𝗼𝗻á𝗹,” dehan Xanana durante hasoru malu ho atleta no ofisiál sira iha Palasiu Governu,Dili.

Xefe Governu husu ba atleta tau aan hanesan embaixador desportu hodi kompete iha atividade desportu ho profisonál hodi foti no hamoris imajen desportu Timor-Leste.

haktuir Xanana, jogu desportu saída de’it nu’udar atividade ida atu ema individu bele hatudu ka promove ninia telentu no tekniku kompetetivu atu bele matan iha jogu ida.

Primeiru-Ministru Xanana, promete, governu ne’e sei tau matan ba kondisaun desportu hotu iha Timor-Leste tuir politika ne’ebé trasa ona.

Tuir komunikadu imprensa ne’ebe públika iha FB, iha loron kuarta-feira ()13/09) husi Média PM katak, Prezidente Sesante Comite Olimpico Nasionál Timor-Leste (CONTL), Mateus da Cruz, hato’o agradese no husu ba atleta hotu kaer metin mensajen murak ne’ebé hato’o hosi PM Xanana inklui Prezidente Repúblika, José Rmaos-Horta.

Atleta hirak ne’e sei aranka ba Hangzhou Xina iha loron 16 fulan setembro agora no fila iha loron 08 outobro 2023.

Reportagem : Eva Ximenes

 2,571 Tatal Lee,  2 Views Today