Díli, yokalaumedia.com (20/09/2023) – Primeiru Ministru Kay Rala Xanana Gusmão ohin hala’o viazen servisu ba Repúblika Popular Xina,  ne’ebe akompañadu Vise-Primeiru-Ministru, Francisco Kalbuadi Lay, MNEC, Bendito Freitas, MAE, Tomas do Rosario Cabral, Ministru Juventude, Desportu no Arte e Cultura, Nélio Isaac, no Ministru Planeamentu no Investimentu Estratéjik, Gastão Francisco de Sousa hodi partisipa iha eventu ASIAN Games 2023 ba dala-19 ne’ebé sei hala’o iha sidade Hangzhou Xina.

Tuir komunikadu imprensa ne’ebe publika husi Media-GPM katak iha vizita ne’e, Xefe Governu Kay Rala Xanana Gusmão sei hasoru malu no enkontru ofisiál ho Prezidente Repúblika Popular Xina, Ji Xinping  hodi deskute kooperasaun bileterál rai rua.

PM Xanana akompaña hosi Embaixador Timor-Leste ba Xina, Abrão Santos sei hasoru mós estudante Timoroan sira ne’ebé hala’o estudu iha Xina.

Atleta Timoroan hamutuk ema na’in-58 mak representa Timor-Leste hodi partisipa ASIAN Games 2023 ba dala-19 iha Hangzhou Xina  feto 24 fahe ba atleta feto na’in ualu (8), Ofisiál feto na’in-16 no mane na’in-34 ne’ebé mai hosi federasaun 10 hanesan, Tenis do Campo, Atletismu, Taekwondo, Karate-do,Natasaun, Federasaun Tiru, Boxe, Federasaun Halterofelismo, Badminton no Vollybool Praia.

Reportagem : Eva Ximenes

 2,783 Tatal Lee,  2 Views Today