Díli, yokalaumedia.com (29/09/2023). Sekretáriu estadu arte no Kultura realiza kompetisaun diskursu públiku ba estudante nivel ensinu sekundáriu ho tema jerál “promove biblioteka ba estudante sira atu loke fuan no Neon ba Matenek” no tema espesífiku “Papél foin Sa’e iha  mundu literasia Iha Timor-leste” iha salaun CNC,Dili.

Kompetisaun ne’e atu lori estudante sira ba promove literasia iha Timor-leste no hakle’an koñesimentu no haburas ita intelektualidade no kreatividade nu’udar umanu ida.

Diretór jerál arte no kultura, Manuel Ximenes Smith, reprezentante Sekretáriu Estadu,  hateten atividade refere bele inspira estudante sira atu adkire liu tan matenek no mos motiva manorin-na’in sira hodi bele hanorin di’ak liu tan.

 “atividade ne’e sai nu’udar matan no tilun ba hanorin nain sira, inpiradór sira no matenek nain sira hodi bele esplora ita nia hanoin, Kuandu ita ko’alia kona-ba biblioteka ita mos koalia kona-ba ospitál, tanba sá mak ita koalia ospitál, ita haree katak bainhira ó moras, moras fuan no moras saida de’it lori ba ospitál maibe bibliotela hanesan sentru ne’ebé mak hodi haklaken, haklean ita nia koñesimentu iha mundu liu-liu ba ema ne’ebé mak iha pasiénsia ba iha kultura leitura hodi hadia ita nia mentalidade, ita nia koñesimentu, haburas ita nia intelektualidade no iha kreatividade ba iha pensamentu nu’udar umanu ne’ebé mak fó kontribuisaun tomak ba prosesu dezenvolvimentu nasionál”, hateten Manuel Smith.

Diretór jerál ne’e mos enkoraja konkorente sira atu aproveita oportunidade ne’e ho di’ak tanba kompetisaun ba literasia ne’e promove mos kultura lee iha Timor-Leste.

“ne’e hanesan meiu ida ne’ebé enkoraja juventude no estudante sira atu nafatin hakbesik an ba leitura, hakbesik an ba aprende, aprende iha mundu literasia atu bele hadiak ita nia koñesimentu ba iha kompetisaun liu husi atividade diskursu ne’ebé mak ohin realiza tanba mundu ohin loron nakonu ho kompetisaun kreatividade”, .

kompetisaun diskursu Públiku ne’e sei fahe ba Faze 3; faze elimanatóriu,Top 20, Top 10 no Finál.

Diretór Nasionál Bíblioteka no Muzeum, João Fátima da Cruz, informa katak orsamentu ne’ebé mak hodi finansia atividade ne’e hamutuk dolár amerikanu $ 75. 000 alokadu husi orsamentu anuál.

“orsamentu ne’ebé mak ami tau ona liu husi ita nia diresaun rasik, orsamentu ne’ebé mak justu atu bele halao atividade iha nivél munisípiu Díli nian, ne’ebé atividade ne’e ami hahu halo iha kapitál dili depois ami sei avalia ba tinan oin mai hodi habelar ba munisípiu sira, orsamentu ba faze ida ne’e hamutuk  dolár amerikanu $ 75. 000”, haktuir João Fátima.

Direitór ne’e akresenta tan katak estudante husi eskola Sekundária 8 mak sei konkore iha kompetisaun ne’e tanba eskola hirak ne’e  mak konsege tuir enkontru tékniku no iha direitu atu kompete iha konkursu ba diskursu públiku ne’e no ba eskola sira ne’ebé mak la konsege tuir enkontru deskualifikadu.

Entretantu, konkorente sira hamutuk na’in 16, ema na’in 2 kada eskola. No matéria sira ne’ebé estudante sira sei aprezenta iha área oioin tanba iha mundu literasia kobre asuntu oioin bele istória, turizmu, siensia.

Manan-na’in sira sei hetan taxa ida, serfikadu inklui mos osan hodi bele motiva liu tan estudante sira.

Reportagem : Apolinário da Costa & Cedelízio do Rêgo

 484 Tatal Lee,  2 Views Today