𝗕𝗖𝗧𝗟 no 𝗔𝗣𝗚 introdúz Servisu brankeamentu kapital no finansiamentu terorizmu ba governu

Díli, yokalaumedia.com (02/10/2023) – Governador Banco Central de Timor-Leste (BCTL), Helder Lopes, akompaña Grupu Asia Pasífiku (APG) hala’o enkontru ho Primeiru-Ministru (PM), Kay Rala Xanana Gusmão hodi introdus sira nia kooperasaun servisu kona-ba brankeamentu kapital no finansiamentu terorizmu nian.

Timor-Leste sai ona nu’udar membru Grupu Asia Pasífiku (APG) iha 2008 no hala’o kooperasaun servisu di’ak tebes ho Estadu Timor-Leste.

Governadór Banku Sentrál Timor-Leste, Helder Lopes informa importante hodi ekipa APG informa ba Xefe Governu, tanba ekipa ne’e mai hala’o hela avaliasaun ba Timor-Leste.

“𝗜𝘁𝗮 𝘀𝗮𝗶 𝗺𝗲𝗺𝗯𝗿𝘂 𝗲𝗻𝘁𝗮𝘂𝗻 𝗿𝗲𝗸𝗲𝘇𝗶𝘁𝘂 𝗶𝗱𝗮 𝗻𝗲’𝗲𝗯𝗲́ 𝗶𝘁𝗮 𝘁𝗲𝗻𝗸𝗲 𝗽𝗿𝗶𝗲𝗻𝘀𝗲 𝗺𝗮𝗸𝗮 𝘀𝗶𝗿𝗮 𝗺𝗮𝗶 𝗵𝗮𝗹𝗼 𝗮𝘃𝗮𝗹𝗶𝗮𝘀𝗮𝘂𝗻 𝘀𝗼𝗯𝗿𝗲 𝗸𝗿𝗶𝘁𝗲́𝗿𝗶𝘂 𝘀𝗶𝗿𝗮 𝗻𝗲’𝗲𝗯𝗲́ 𝗹𝗶𝗴𝗮𝗱𝘂 𝗵𝗼 𝗕𝗿𝗮𝗻𝗾𝘂𝗲𝗺𝗲𝗻𝘁𝘂 𝗞𝗮𝗽𝗶𝘁𝗮́𝗹 𝗻𝗲’𝗲. 𝗣𝗿𝗶𝗺𝗲𝗶𝗿𝘂-𝗠𝗶𝗻𝗶𝘀𝘁𝗿𝘂 𝗽𝗮𝗿𝘁𝗶𝗸𝘂𝗹𝗮𝗿𝗺𝗲𝗻𝘁𝗲 𝗵𝗮𝘁𝗼’𝗼 𝗯𝗮 𝗲𝗸𝗶𝗽𝗮 𝗔𝗣𝗚 𝗸𝗼𝗺𝗽𝗿𝗶𝗺𝗶𝘀𝘂 𝗧𝗶𝗺𝗼𝗿-𝗟𝗲𝘀𝘁𝗲 𝗻𝗶𝗮𝗻 𝗸𝗮𝘁𝗮𝗸 𝗶𝘁𝗮 𝗸𝗼𝗺𝗽𝗿𝗼𝗺𝗲𝘁𝗶𝗱𝘂 𝗮𝘁𝘂 𝗶𝗺𝗽𝗹𝗲𝗺𝗲𝗻𝘁𝗮 𝘀𝗶𝘀𝘁𝗲𝗺𝗮 𝗻𝗲’𝗲𝗯𝗲́ 𝗸𝘂𝗺𝗽𝗿𝗶 𝗽𝗮𝗱𝗿𝗮𝘂𝗻 𝗯𝗿𝗮𝗻𝗸𝗲𝗮𝗺𝗲𝗻𝘁𝘂 𝗸𝗮𝗽𝗶𝘁𝗮́𝗹 𝗻𝗶𝗮𝗻 𝗻𝗼𝗺𝗼́𝘀 𝗳𝗶𝗻𝗮𝗻𝘀𝗶𝗮𝗺𝗲𝗻𝘁𝘂 𝘁𝗲𝗿𝗼𝗿𝗶𝘇𝗺𝘂”, informa Governador BCTL, Helder Lopes ba jornalista, hafoin enkontru ho PM Xanana iha salaun Fronteira Marítima-Palásiu Governu.

Governu Timor-Leste hakarak implementa padraun ne’ebé lo’os no iha sistema ne’ebé lo’os, priense rekezitu atu prátika kona-ba money laundry no finansiamentu terorizmu labele akontese iha Timór.

Durante enkontru, PM Xanana  mós husu ba Banku Sentrál atu kumpila hamutuk APG nian hodi halo aprezentasaun ida iha Konsellu Ministru nune’e membru Governu sira bele iha informasaun klean.

Governu Timor-Leste durante ne’e kapasita ninia institusaun estadu hanesan Komisaun Nasionál kona-ba Anti Brankamentu Kapitál ne’ebé lidera hosi Ministériu Justisa, Ministru Negósiu Estranjeiru no Kooperasaun no BCTL nu’udar membru.

Entretantu, APG harii   kompostu hosi nasaun oioin ne’ebé durante loron hira ona iha Timor-Leste hodi hasoru malu ho Autoridade Judisiáriu, Autoridade Finanseira, entidade sira hosi setór bankária nomós autoridade públiku sira.

Reportagem : Eva Ximenes

 2,895 Tatal Lee,  2 Views Today