Kopa Naval 2023: As Kantada halot pontu 3 iha bolsu

Díli, yokalaumedia.com (09/10/2023) – Komponente Naval husi F-FDTL realiza fali ona jogu kopa Naval 2023 atu komemora aniversáriu komponente nian ba dala 22, ho tema “HO FUTEBOL, MAI ITA PROMOVE TALENTU FOIN SA’E BA HAMETIN PAZ NO GARANTE ESTABILIDADE NASIONAL”.

Jogu refere hahu iha loron sexta-feira (06/10) semana ne’e iha kampu Politéknika Hera, iha ne’ebe envolve husi Klubu 32 husi munisipiu sira inklui klubu sira iha kapital.

As katanda hanesan Klubu foun ida ne’ebe eziste iha fulan Agostu ne’e hafoin muda naran husi Fc UAITULI, ne’ebe pertense ba Grupu B, konsege halot pontu 3 hafoin halakon Fc KLIMATER ho skor 4-0, ne’ebe marka husi jogador Gilberto Maria de Jesus “Abaty” Golu 2, no jogador Vincent Kojo Norte Golu 2 iha jpgu ne’ebe realiza iha segunda-feira loraik ne’e iha Hera.

Leonardo Gomes “Andy” hanesan Prezidente no Fundador As Kantada hatudu nia laran ksolok tanba nia ekipa bele rekolla pontu tolu iha faze grupu ne’e.

“ha’u sente kontente tamba pela permeira vez klubo ne’ebe Ezist seidauk to tinan, maibe bele hetan rejultado signifikativo tebes e hau optimatismista katak jogu tuir mai ita sei bele halot tan pontu balun”, afirma Andy ho Ksolok.

Prezidente As Kantada mos afirma liu tan katak klubu ne’e harii atu akumula foin sa’e talentozu sira la haree ba kor, rasa, no relijiaun.

“Ha’u ho maluk sira seluk hakarak harii klubo ne’e tanba ami hakarak promove talentu juventude liu2 iha mundo football, la hare ba kor no rasa e hakarak kria estabilidade no paz ba juventude sira hotu atu nune’e fo tempu estado hodi halao desenvolvimentu ba iha ita nia rain”, fundamenta Leonardo.

Foinsa’e ne’e mos agradese jogador sira tan bele hatudu performa ida ne’ebe di’ak no husu atu kontinua halibur nafatin forsa ba hasoru jogu sira iha futuru.

Naran husi Klubu futebol ne’e mai foti husi pontu as liu iha Mundu Perdidu ne’ebe reprezenta beleza natural husi foho refere no sai mos hanesan orgullu ida ba Viqueque, Ossú no Builale oan sira, tan bele hamorin mos fatin turístiku ne’e nia naran liu husi futebol.

Tuir oráriu, As Kantada sei joga fali kontra FC Zebra Leao 1 iha loron 18 Outubro no sei hasoru mos Relay FC  ihah loron 26 Outubro ne’e.

Reportagem : Eva Ximenes

 2,856 Tatal Lee,  2 Views Today