Díli, yokalaumedia.com (18/10/2023) – Enkarregadu Negósiu, Marc Winstock, no Ofisiál Polítiku, Ekonómiku no Konsulár husi Embaixada Estadus Unidus Amérika, Christopher Morehouse, realiza enkontru kortezia ho Ministru Petróleu no Rekursus Minerais, Franscisco Monteiro, hodi buka hatene konaba atividade petrolífera sira hanesan Projetu Greater Sunrise no projetuTasi Mane, inklui mos inisiativa importante seluk ne’ebé promove husi ministériu.

Sorumutu ne’e realiza iha kuarta-feira (17/10) ne’e iha Edifisiu Ministériu Petróleo no Rekursu Minierais iha Farol Díli.

Enkarregadu Negósiu EUA,  Marc Winstock, rekoñese importánsia husi dezenvolvimentu seitór petróleu no gás iha Timor-Leste hanesan área prioritária ba nasaun. Marc mos defende papel krusiál  no importánsia estretéjika husi dezenvolvimentu Greater Sunrise ba progressu nasaun nian.

Relata iha komunikadu imprensa ne’ebe publika husi Media-GMPRM katak Ofisiál EUA rua ne’e mos aprezenta área poténsial ne’ebé bele kolabora ho Timor no hatur liu ba oportunidade iha seitór edukasaun, hanesan bolsa estudu.

Parte rua hatudu entusiazmu hodi haklean no dezenvolve kapitál humanu, liu-liu iha seitór petróleu no gás.

Reportagem : Eva Ximenes

 3,220 Tatal Lee,  2 Views Today