Díli, yokalaumedia.com (21/11/2023) – “Ha’u nia Tasi, Ha’u nia Timor”. Liafuan ne’e mak sai hanesan tema ida ba kampaña Kuidadu Tasi moos, ne’ebe tenki sai mos prinsipiu timor oan hotu nian tanba Timor-oan sira hotu hatene ona katak Tasi luan liu kompara ho rai maran ne’ebe kompoen RDTL, iha ne’ebe kontén rikusoin ua’in ba ua’in, ne’ebe sai kozina ekonomia Timor-Leste nian iha era dezenvolvimentu nasional id aohin loron ne’e.

Kampaña ne’e hetan partisipasaun husi entidade barak, Governu, Sidadaun, Sosiedade Sivil sira no Estudante sira.

Vice-Primeiro Ministro, Ministro Coordenadór dos Assuntos Sociais, Ministro do Desenvolvimento Rural e Habitação Comunitária, Mariano Assanami Sabino, rekomenda ba entidade hotu-hotu atu proteze biodiversidade iha tasi laran, hafoin partisipa iha Kampaña Kuidadu tasi moos ne’ebe organiza husi Ministériu Turizmu.

Kampaña kuidadu tasi-moos ne’e ho tema, “Ha’u nia Tasi, Ha’u nia Timor” no Sub-tema Mai Ita Proteje Rekursu Tasi hodi Garantia Dezenvolvimentu Sustentavel”.

Vise-Primeiru Ministru hateten politika ekonomia azul ne’e parte ida mak atu promove Tasi Timor ho beleza oi-oin ne’ebé to’o ohin loron seidauk explora ho di’ak.

“Estadu presiza luta hodi defende tasi ne’ebé boot liu tres-vezes rai maran atu nune’e fó impaktu ekonomiku ba Timor, maibé ne’e presiza fó apoiu ba Vise-Primeiru Ministru, Francisco Kalbuady Lay, atu servisu dezenvolve tasi hodi kuidadu  rikusoin tasi-laran, promove tasi nia beleza no proteza balada-tasi hanesan lenuk, ikan no seluk tan”, afirma Mariano Assanami Sabino, Vise-Primeiru-Ministru.

Husu ba ema hotu labele so’e fo’er arbiru, labele husik plastiku ida monu ba tasi-laran ne’e sei estraga ahu-ruin, no espesies ikan sira.

Iha atividade ne’e governante hamutuk ho partisipante sira, simbolikamente husik lenuk-oan ba tasi, iha Bidau Lesidere.

Reportagem : Eva Ximenes

 2,302 Tatal Lee,  2 Views Today