Díli, yokalaumedia.com (25/11/2023) – Ekipa Organização Central Haburas (OCH) Região Quatro (IV) entrega hikas ekipamentu no dokumentu importante sira ne’ebé uluk juventude rejistensia hamutuk ho Saudozu Komandante Nino Konis Santana uza hodi halo servisu rezistensia ba Komandante Em Xefe das FALINTIIL nu’udar mós Primeiru-Ministru, Kay Rala Xanana Gusmão no Komandante Sub Chefe Estadu Maior das FALINTIL, Lere Anan Timur.

Hafoin simu dokumentu ne’e, Kay Rala Xanana Gusmão no Tenente Jenerál Reformado, Lere Anan Timur asina hodi bele entrega direita iha Arquivu Muzeu Rejistensia Timor-Leste (AMRTL) hodi prezerva ba istória rezistensia nian.

 “Imi entrega ekipamentu no karta ne’e mai ha’u asina imi mak lori direita ba rai iha ita nia muzeu para sai arquivo bai ta nia istória luta nian”, dehan PM Xanana durante partisipa serimónia inagurasaun monumentu iha Bedois, Kristu- Rei Dili, loron 25 novembru 2023.

PM Xanana husu ba responsavel sira atu hakerek istória ida klaru kona-ba ekipamentu hirak ne’e, atu rai hela nu’udar istória furak ba jerasaun sira atu aprende no hatene tanba material hirak ne’e pertense mós ba Timor-Leste nia luta naruk too sai nasaun ida independente.

Ekipamentus sira mak hanesan, kamera digital ida, dokumentu importante sira no baindeira nasionál RDTL ida ne’ebé suku ho liman iha tinan 1992.

Todaho haktuir katak Materiál hirak ne’e  juventu rezistensia no Saudozu Komandante Nino Konis Santana uza hodi halo dokumentasaun abrigu rejistensia regiaun IV nian iha Ermera ne’e entrega direita hosi Prezidente Organizacão Central Haburas, Tito da Conceição Hornay “Todaho” akompaña no asina hosi Responsavel na’in sia (9) hanesan, Fransisco Babo “Santa Cruz”, António Salsinha “Durae”, Jorge Manuel Albino “Pos Kompi”, Mario Gomes, Sebastião de Araùjo Lemos “Moli Buka Tuir”, Julio Baptista “Tomy Soeharto” Regina Araùjo “Bikiak”, José Salsinha Siqueira, no Domingos da Costa “Hailala”.

“Kamera no baindeira RDTL ne’e uluk juventude rejistensia sira uza hodi halo demostrasaun iha Dili laran no ikus mai halo mimbar bebas no kamera digital ne’e uluk membru Organização Central Haburas (OCH)  uza  hala’o servisu sub kaixa tuir orden Komandante luta nian. OCH asegura dokumentasaun orginal ida ne’e hetan orden hosi Komandante Sub Chefe Estadu Maior das FALINTIL, Lere Anan Timur liu hosi via ligasaun ho sasin José Salsinha Siquera asegura hamutuk ho OCH liu hosi sasin Domingos da Costa Hailala”, konta Tito da Conceição hafoin entrega material hirak ne’e.

Tito Todahu mos afirma liu tan katak materiál hirak ne’e ekipa Kaixa Rezistensia Regiaun IV asegura metin iha abrigu Subterraneo Ersoi Loublala ne’ebé rai hosi Autòr Prinsipal ba Abrigo Ersoi, António Salsinha Durae Aldeia Poepum, Suku Poetete, Postu Administrativu Ermera, Munisipiu Ermera.

“Kamera Digitál ne’e Saudozu Komandante Nino Konis Santana uza hodi hala’o gravasaun filme ba servisu klandestina nian iha abrigu Subteranu Aiseo, Ersoi, Loblala, Metutu-Ermera hodi asegura segredu Komando da Luta nian iha momentu ne’eba too ikus mai hodi harii akontonamentu Regiaun IV iha Suku Poetete/Halarema.  No mós iha fatin deskansa nian Aldeia Tatabauria Suku Mertutu Bairu Douul iha Uma Lisan Hailala Ermera”, konta Todaho.

Momentu ne’eba, Lia Nain, Fransisco Mau-Seso (Misilau) Responsavel Moises Tilman (Tuba Rai) no Julio Baptista iha Kaixa Samalara fatin ne’ebé Saudozu Komadante da Luta, Nino Konis Santana, Sekretariu Regiaun IV Somotxo Matar Mimirake, nu’udar ninia Komandante mak, Ernesto Ferndandes Dudu.

Reportagem : Eva Ximenes

 334 Tatal Lee,  2 Views Today