Díli, yokalaumedia.com (04/12/2023) – Sekretariu Estadu Komunikasaun Sosiál (SECOMS), Expedito Diaz Ximenes, aprezenta ba komisaun G Parlamentu Nasional ho montante 6.4 milloens ba Orsamentu Jerál 2024 nian.

“ohin ami mai hato’o Sekretariu Estadu Komunikasaun Sosiál nian orsamentu Jerál ba tinan 2024 nian ba komisaun G Parlamentu Nasional ho montante 6.4 milloens”, hateten SECOMS, Espedito Diaz Ximenes iha Parlamentu Nasional, Segunda-Feira (04/12/2023).

Iha montante 6.4 milloens ne’e, SEKOMS sei aloka ba saláriu I vensimentu 1.9 mill, ba bens de servisu dolar rihun 954, ba transferensia publika millaun 2.3, ba kapital menor hamutuk dolar rihun 100, ba kapital dezenvolvementu 1.8.

“Transferénsia publika ne’e bo’ot tamba aloka ba Radiu Televizaun Timor-Leste, Empreza Publika (RTTL. EP) ho montante 2 millaun aloka ba saláriu I bensimentu no bens de servisu ba RTTL. EP”, Subliña Diaz.

Sekretariu ne’e mos esplika katak kapital dezenvolvementu ne’e IX Governu liu husi SECOMS sei utiliza hodi konstrui torre 3 ne’ebe lokaliza iha munisípiu Ermera, Lautem no Viqueque.

Objetivu harí torre tolu ne’e hanesan mo’s torre 3 ne’ebe mak agora dadaun konstrui hela hodi loke tan alarga ba RTTL hodi kobre no loke oportunidade mos ba Empreza sira ne’ebe hakarak atu uza torre tolu ne’e hodi halo transmisaun ba kobertura ruma tanto husi Governu no Empreza privadu sira.

Ex-Prezidente Konsellu Administrasaun RTTL ne’e hateten Deputadu sira husi Parlamentu Nasional mos hato’o difikuldade ne’ebe Radiu Komunidade sira ne’ebe atravesa.

“distintus deputadus sira vizita ba iha munisípiu sira hodi hare Radiu Komunidade sira infrentra difikuldade tamba ne’e mak ohin sira mos hato’o mai ha’u kona ba difikuldade Radiu Komunidade hasoru no ohin ha’u mai esplika ba destintus deputadu katak preokupasaun ida ne’e preokupasaun pertenente ida”, informa Diaz.

Hatan ba problema ne’ebe levanta husi deputadu komisaun G sira, Expedito informa katak SECOMS mos apoiu ona Radiu Komunidade 17 ho montante hamutuk dolar rihun 101.

Reportagem : Eva Ximenes

 1,111 Tatal Lee,  2 Views Today