OAN realiza asembleia jerál 2023

Lautém, yokalaumedia.com (12/12/2023) – Organizasaun Asaun Nasionál ba Libertasaun Maubere ho nia abreviatura (OAN), realiza asembleia jerál 2023, ho tema Rekonsolida, Restrutura no Radikaliza ba futuru Revolusaun Maubere durante loron rua husi loron 9-10 fulan dezembru, iha Lospalos Fuiloru Timor-Leste.

Iha asembleia jerál ne’e, atu rekonsolida ka hametin liu-tan relasaun organika entre membru hotu-hotu, tantu lideransa topu, lideransa baze au mesmu tempu rekrutamentu membru foun, aliende rekonsolida halo mos reestrutura organizasaun nian, bazeia ba nesesidade  interna organizasionál no inklui Radikaliza Revolusaun Maubere eín sentidu hari’I baze ba mundansa total ida konkretu ba Sosiedade Timor-Leste.

Iha ambitu asembleia ne’e, membru organizasaun, Baltazar Monteiro Matoso, anota buat tolu (3) importante maka; subjetivu, objetivu no teleolojiku.

“iha asembleia ne’e, ha’u nota buat tolu importante tebes maka; Subjetivu, Objetivu no ikus Teleolojiku katak iha luta organizasaun ida, buat tolu ne’e labele halo separasaun, tanba elementu sira ne’e hotu, determinante ba luta libertasaun nasionál”, anota Baltazar Matoso.

Baltazar fortifika liu-tan katak, elementu subjetivu maka refere ba sujeitu ka ema, ne’ebé sai orientador ne’ebé lori prosesu luta, objetivu ne’e refere ba aktividade ka programa organizasaun no ikus teleolojiku ne’e refere ba vizaun ne’ebé organizasaun ida hakarak atu konkista, nune’e Organizasaun OAN hatu’ur nia mehi maka hari’I sosiedade justu, prosperu no igualitáriu ka simplesmente ita dehan sosiedade ne’ebé sein esplorasaun husi ema ba ema no husi sistema ba ema.

iha asembleia refere, totál partisipante hamutuk ne’en nolu resin, ne’ebé mai husi Estudante no Juventude, membru hirak ne’e mai husi Munisipiu oioin.

Reportajem: Cedelizio do Rêgo.

 2,855 Tatal Lee,  1 Views Today