Díli, yokalaumedia.com (12/02/2024) – Sekretariu Estadu Igualdade (SEI) ohin fo tomada de pose ba kargu Xefia sira hamutuk nain 21, iha salaun SEI nian.

SEI, Elvina de Sousa hateten tomada de pose Laos buat Foun ida maibé kada tinan ou kada termu sempre realiza.

“ohin loron ha’u bele dehan loron espesial ida tamba ita realiza tomada de pose ba kargu Xefia Foun no atividade ida ne’e Laos buat Foun maibé kada tinan ou kada termu ita sempre realiza, maibé atu hatete de’it SEI apresia tebes ita halo mobilidade maibé Laos hasa’e hatun ema husi kargu Xefia sira maibé ida ne’e ha’u Nudar Sekretariu Estadu ha’u fo konfiansa hodi  Depozita kargu ne’e ba ita bo’ot sira hodi lidera instituisaun ida ne’e ho di’ak ”, SEI, Elvina de Sousa, hato’o liu husi nia diskursu, iha Salaun SEI, Segunda-Feira (12/02).

Elvina husu ba kargu Xefia Foun sira atu ezerse kargu ne’e ho responsabilidade, honestidade, tenki tane as profesionalismo, la partidariza funsaun Publik, servisu hamutuk ho ekipa atu lori instituisaun ida ne’e ba oin.

“ha’u husu ba kargu Xefia Foun sira atu ezerse kargu ne’e ho responsabilidade, honestidade, tenki tane as profesionalismo, la partidariza funsaun Publik, ita servisu hamutuk ho ekipa hodi lori instituisaun ida ne’e ba oin”, Elvina afirma.

SEI mo’s esplika katak sei nafatin halo avaliasaun nune’e garante responsabilidade ne’ebe mak Depozita ba profisional hirak ne’e ho responsabilidade no profesionalismo.

“ba kargu Xefia Foun sira katak tenki lealdade ba estrutura, tenki tane as profesionalismo, tenki sai exemplu ba ministériu sira seluk tamba Ita mak makina Estadu ne’ebe atu promove Igualdade jeneru”, husu Governante.

Momentu hanesan Diretora Jerál SEI, Armando da Costa ne’ebe reprezenta estrutura hato’o apresiasaun ba Sekretariu Estadu hodi fo konfiansa ba kargu Xefia sira ne’ebe simu ona termu entrega no husu ba sira atu atu simu kna’ar ne’e ho responsabilidade liu-liu iha idak-idak ninia papél ne’ebe tutela ba.

Armando mos husu ba kargu Xefia Foun sira atu hatene kona ba papél SEI ho nia politika sira liu-liu politika IX Governu Konstitusionál ne’ebe atribui mai iha SEI ho nia programa prioridade ne’ebe difine ona iha planu Estratéjiku SEI ba tinan 5 nian ne’ebe la ses husi planu Estratéjiku Dezenvolvementu Nasional (PEDN 2011-2030) nian, tamba ne’e ema idak-idak Lee no hatene dokumentus hirak ne’e hodi apar ho servisu ne’ebe sai  portefoliu SEI nian.

Reportagem : Eva Ximenes

 2,003 Tatal Lee,  2 Views Today