Xanana husu Embaxador Alex Tilman atu servisu ho responsabilidade

Díli, yokalaumedia.com (16/02 /2024) – Primeiru-Ministru (PM) ohin enkontru ho Embaixadór Timor-Leste ba Singapura iha Palasio Governu ohin.

Embaixador Timor-Leste ba Singapura, Alex Tilman hateten ohin mai hasoru Primeiru-Ministru tamba Segunda-Feira agora nia sei hala’o viajem ba Nasaun Singapura atu hala’o misaun Nudar Embaixador Timor-Leste ba Singapura.

“ohin ha’u mai hasoru Primeiru-Ministru Kay Rala Xanana Gusmão tamba Segunda-Feira agora ha’u sei aranka ba Singapura atu hahu misaun Nudar Embaixador ita nian ba Singapura”, Haktuir Embaixador Timor-Leste ba Singapura, Alex Tilman, Hafoin enkontru, iha Palasio Governu, Sexta-Feira (16/02).

Alex Tilman hato’o agradese ba Nuno Governu nia konfiansa ne’ebe mak Depozita ba nia atu asume responsabilidade ida ne’e no mo’s rona husi Primeiru-Ministru programa prioridade ne’ebe mak sei hala’o Timor-Leste nia misaun iha nasaun Singapura.

“Ha’u hato’o agradese ba nuno Governu nia konfiansa ne’ebe mak fo mai ha’u atu asume responsabilidade ida ne’e no mo’s atu rona husi Primeiru-Ministru programa prioridade Governu nian saida mak ita nia misaun Singapura presisa hala’o”, hato’o Alex.

Entretantu programa prioridade mak hanesan Adesaun ba ASEAN, kooperasaun bilateral ho Singapura, Formasaun ba profesional sira.

Enkuantu atu ba PM mo’s husu atu servisu ho responsabilidade atu servisu di’ak liu tan ho didikasaun, loyalidade  ba Instituisaun refere.

Reportagem : Eva Ximenes

 1,094 Tatal Lee,  3 Views Today