AUSTRÁLIA, yokalaumedia.com (06/03/2024) – Primeiru-Ministru (PM), Kay Rala Xanana Gusmão hala’o enkontru ho CEO Kompaña Woodside, Meg O’Neil hodi husu atu kompaña kontinua respeita direitu povu Timor-Leste hakarak dada plantasaun kadoras greater sanrise ba Timor-Leste.

Xanana dehan, governu Timor-Leste mós respeita nafatin Woodside ninia direitu hodi hala’o esplorasaun ba projetu mina rai no gás iha plantasaun Greater Sanrise.

“Hasoru malu ho Woodside ami ko’alia liu kona-ba kooperasaun ne’ebé la’o ona no ha’u informa ba sira no sira mós hatene katak, Ministru Petrolinu no Rekursu Minarais (MPRM), Fransisco Monteiro iha hele Perth-Austrália no iha asuntu balun sei kontinua ko’alia ba malu, ha’u husu de’it maka (Woodside) loke luan ituan imi nia hanoin, ita ko’alia ba malu respeita malu no ami, respeita imi  nia interese, no imi mós tenki respeita ami nia interese, hodi dehan ba sira katak, buat ida kadoras atu dada ba Timór ne’e. Ne’e ami nia prinisipiu boot tebes ida dezde kedas funu,” dehan PM Xanana hafoin ekontru ho CEO Kompaña Woodside, Meg O’Neil iha Melbourn, Austrália.

Xefe Governu dehan, luta povu Timor-Leste nian ba fronteira maritima permanente manan ona, tanba ne’e Ministru Petrolium no Rekursu Minarais (MPRM), Fransisco Monteiro kontinua servisu makas hodi koordena nafatin ho Kompaña Woodside komisaun tomak ne’ebé  envolve iha prosesu atu deskute asuntu ne’e ho klean liután.

Entretantu, durante enkontru, CEO Woodside Meg O’Neil agradese ba Xefe Governu Xanana ne’ebé kontinua tau fiar atu servisu hamutuk.

Kompaña Woodside mós komprometidu  atu servisu hamutuk nafatin ho Governu Timor-Leste hodi hala’o esplorasaun projetu minarai iha plantasaun Greater Sanrise.

Antes ne’e, Xanana mós hala’o enkontru ho Reprezentante Spesiál Governu Austrália ba Negosiasaun no Dezenvolvimentu Greater Sunrise, Steve Bracks  hodi deskute dezenvolvimentu projetu Greater Sanrise ne’ebé sei muda konseitu dezenvolvimentu rai rua ba futuru.

TL no Austrália mós sei hapara diverjénsia hotu-hotu iha pasadu, atu nune’e povu rua, Australianu no Timor oan, bele haree futuru relasoins iha konfiansa boot no respeitu mútuu ne’ebé boot liu.

* adapata husi Media-GPM

 1,494 Tatal Lee,  3 Views Today