Díli, yokalaumedia.com (10/03/2024) – Iha kapital Timor-Leste, durante semana ida ikus ne’e, Udan bo’ot sempre monu rai iha laletek sira ne’ebe hafutar sidade refere, área  foho Becora Karau Mate, Balibar no Dare nian, ne’ebe rezulta mota bo’ot tun makas hodi halo uma komunidade nian lubuk ida iha Taibesi, Becora no Bidau Masaur no Santa Ana kontinua sofre ba inundasaun .

Haree ba problema ida ne’e, Primeiru-Ministru, Kay Rala Xanana Gusmão koordena kedas ho ekipa, Ministériu Obras Publika (MOP), IGE-ADI, Sekretária Estadu Eletrisida Água no Saneamnetu, Eletrisidade de Timor-Leste, Empresa Públika (EDTL, E.P), BEE Timor-Leste E.P, Sekretaria Estadu Asuntu Toponómia no Organizasaun Urbana no Sekretariu Estadu Reflorasaun no Autoridade Munisípiu Díli tun direita ajuda hadia kanalizasaun bee moos ne’ebe kotu no suru sai rai no fo’er ne’ebe nakonu iha valete laran.

Kompaña Monta Diak, BTK no Dili United oferese mós karreta, no Excavator  ajuda sura sai tahu no fo’er,  enkuandu ekipa Bombeiros kontinua fase kedas estrada ne’ebe tahu no fo’er nakonu iha área Metiaut nian.

Ekipa sobu mós ponte ki’ik iha área Bidau Santa Ana hodi monta fila fali manila foun hodi fasilta bee mota dalan bele liu ho di’ak hodi evita inundasaun labele akontese fali ba komunidade nia uma.

Diretora Nasionál Manutensaun no Konservasaun Vias Rodovarias, Letigia dos Reis Hanjam Corbafo informa katak, servisu sira hala’o bazeia ba orientasaun Xefe Governu Xanana.

“hahú dadeer too lokrai ne’e ekipa Ministériu Obras Publika (MOP) nian mai tomak simu orisentasaun hosi Primeiru-Ministru, Kay Rala Xanana Gusmão atu buka solusaun ba problema inundasaun ne’e, tanba valeta bee dalan barak intupidu nakonu ho foer presiza hadia urjensia,” informa Letigia.

Ba loron segunda-feira (11/03/24) dadeer ne’e ekipa sira sei kontinua hala’o nafatin servsi too remata.

Reportagem :Eva Ximenes

 2,123 Tatal Lee,  2 Views Today