Glenu-Talimoro, yokalaumedia.com (14/11/2024) – Fakuldade Direitu liu husi estudante 50 anu realiza sosilizasaun iha suku Talimoro Postu Administrativu Ermera Munisipiu Ermera, kona-ba “Asesu justisa formal”. Sosializasaun ne’e ho objetivu atu fó koñesimentu ba autoridade lokál no komunidade sira iha área jus Glenu atu hatene dalan, katak asesu ba Tribunál tuir ita-nia lei no atividade ida ne’e foku liu ba  prosesu krime nian. sosializasaun ne’e lidera husi Estudante Elmerito Pinto mak  aprezenta materia  ba komunidade sira kona-ba meius oinsa atu defende sidadaun nia direitu tuir norma juridika  Timor nian.

Dekanu, José Tomas Alves, apresenta katak atividade ida ne’e  Fakuldade Direitu realiza ho objetivu ida atu tulun ita nia komunidade no autoridade lokal sira oinsa mak sira bele iha kuñesimentu naton kona-ba Asesu Justisa Formal  li-liu ba  prosesu krime nian.

“atividade ida ita hanaran  sevisu ho komunidade portantu kunidade sira mak sai alvu ba atividade refere no atividade ida ne’e ita halo kada tinan no tinan ida ne’e ita halo ba munisipiu ha’at  mak hanesan Manatutu, Baucau, Maliana no Ermera. Meteria ne’ebé mak ita fahe ba kumunidade sira ne’e apresenta husi estudante sira ne’ebé mak estuda ona materia refere hanesan direitu prosesu penal, direitu penal, direito prosesu sivil no direito sivil, maibe materia ne’ebé ohin aprezenta ba komunidade ida ne’e ko’alia liu kona-ba prosesu krime nian.” Esplika Alves.

Enkuantu reprezentante suku , Domingos de Jesus afirma katak liu husi atividade ida ne’e bele tulun ita nia komunidade sira oinsa mak sira bele katene ita nia lei sira ne’ebé ita nia naiulun sira produs.

“durante la iha ema ruma mak mai halo atividade sira hanesan ne’e iha suku ida ne’e tamba ne’e sosializasaun ida ne’e importante tebes tamba bele tulun ami no ami sei hato’o ba ami  nia komunidade sira hodi sira mos bele hatene kona-ba oinsa mak atu asesu ba justisa formal, tamba lei sira ne’ebé mak kada tinan ita nia bo’ot sira halo ami nein kompriende tamba sira nunka tun mai fahe ba ami” afirma Domingos.

Alende ida ne’e partisipante,Julio Ribeiro da Cruz sublina katak senti orgulu tebes tamba bele hetan ona mateira asesu ba justisa formal no nia husu atu kuntinua nafatin tun ba hamutuk ho ita nia komunidade sira iha area remota.

“ha’u senti kontenti tebes tamba atividade ida ohin ne’e bele tulun tebes ami oisa ma kami bele asesu ba justisa, tamba dalabarak ema barak koalia kona-ba justisa mas pesoal ha’u rasik la kompriende kona-ba ida ne’e no husu ba ita bo’ot sira atu nafatin fahe ho ami ba materia sira ne’e li-liu ba ami nia maluk sira iha area remota ne’e ba” husu Julio Ribeiro.

Hafoin aprezentasaun matéria sosializasaun, komunidade sira mos hato’o sentimentu agradesimentu ba  Fakuldade Direitu ne’ebé hili Suco Talimoro  sai fatin ba sosializasaun tanba ajuda tebes komunidade sira.

Tuir jornalista yokalaumedia.com nota katak partisipante ne’ebé Partisipa iha Sosializasaun refere mak husi Estrutura Fakuldade Direitu, Professores, Estrutura Asosiasaun Estudante Fakuldade, Estrutura  Suco Talimoro no komunidade suku refere.

Reporter: Apolinario da Costa

Revizor : Joanito Rangel

 338 Tatal Lee,  2 Views Today