Díli-YokalauMedia-2/2/2023 – Preferensia Komandante Supremu Forsa Armada nian ne’e hato’o iha ámbitu selebrasaun ba transformasaun FALINTIL ba F-FDTL ba dala 22 ne’ebe monu iha loron 2 Fevereiru iha Quartel General Fatuhada-Díli.

Presidente Repúblika husu atu F-FDTL aposta iha kualidade no kria kondisaun ida ne’ebe di’ak liu. “lalika buka ema barak demais iha forsa, ne’e la’os de’it iha Militár no la’os de’it iha polísia.  Ha’u prefere haree iha de’it ema rihun ida, feto no mane, nebe hetan treinu diak tebtebes, kompensasaun ka  remunerasaun diak ba sira, ekipamentu diak, fo mobilidade eh flexibilidade operasional diak ba sira, intensivu ida adekuadu” prefere Ramos.

Komandante Supremu Forsa Armada nee lakohi atu Timor-Leste labele sai hanesan rai seluk neebe mak iha forsa ida boot demais maibe treinamentu ladun diak no la iha kualidade.

Presidente Repúblika, José Ramos Horta, publikamente informa mos konaba orsamentu ne’ebe mak estadu liu husi governu aloka ba instituisaun militár refere.

“iha 2023 ne’e F-FDTL iha nia osan hamutuk dolar millaun 33.22.385 hodi executa tuir programa sira. Ha’u espera atu kontiua investe ba re-organisasaun profisionalisasaun F-FDTL, afirma Horta.

Xefe Estadu ne’e mos husu ba F-FDTL atu kumpre nafatin misaun kontitusional sira ne’ebe nasaun atribui hodi defende integridade territoriál, garante soberania nasional no sai lutu di’ak ba povu no rai husi ameasa exterior sira.

Molok konklui nia intervensaun, Diplomata nee kontinua husu atu ezersítu habitua ho kultura manutensaun, ne’ebe kuidadu ho di’ak ekipamentu, material sira ne’ebe mak instituisaun atribui ba servisu, tanba ne’e povu nian.

Iha sorin seluk, Ex-Xefe Estadu Maior General Forsa Armada Lere Anan Timur konkorda ho preferénsia Presidente Repúblika  nian tanba kualidade ne’e importante.

Reportagem: Aque Ximenes

 250 Tatal Lee,  2 Views Today