Díli-yokalaumedia.com-(24/3/2023)-Komisaun funsaun Públika, Kinta-feira ne’e (23-03-23), asina tan termu aseitasaun ho Funsionáriu na’in 44 hodi sai funsionáriu Permanente nune’e bele fo atendimentu diak liu tan ba timor-oan sira.

Prezidente Komisaun Funsaun Públika, Faustino Cardoso Gomes, Iha serimónia ne’e, hateten prosesu ingresu ba funsaun Públika ne’e dalan naruk ida ne’e funsionáriu foun sira ne’e ultrapasa.

“hahu kedashusi simu kandidatura ba vaga, selesaun dokumentu, teste eskrita no ikus liu KFP hetan sira nain 44 , ne’ebé ohin loron hetan posse tanba sira komprometidu atu sai membru husi familia boot komisaun funsaun públika”, esplika Faustino.

Esplika liu tan katak funsionáriu empossadu 70% husi na’in 44 ne’e servisu nanis ona iha Komisaun Funsaun Públika nu’udar ajente administrasaun públika, enkuantu 30% seluk mai husi sidadaun baibain  no iha mos sira balu ne’ebé servisu ona nu’udar funsionáriu iha ministériu seluk.

Funsionária emposada, Luisa maia Manuel, sente kontenti ho mementu ne’e tanba nia hakna’ar an hanesan ajente administrasaun Públika besik tinan 9 ona.

“ida ne’e hanesan konkista ida ne’ebe naruk mak ha’u heta, bele hateten hanesan baibain ema dehan luta ida ne’ebé ikus hodi bele hetan sai funsionáriu permanente”, nia hateten.

funsionáriu Emposadu hirak ne’e kompostu husi feto nain 24 ho persentajen 55% no mane hamutuk 20 ho persentájen 45%. Entre funsionáriu nain 44 ne’e selesionadu husi aplikante 1.006

Reportajen: Nario Costa no Oscar sanches

 

 283 Tatal Lee,  2 Views Today