Ramos simboliza vitória, Jesus manan mate hodi moris-hias

Dili-yokalaumedia.com (02/03/2023), Sarani Katólika iha mundu tomak selebra Domingu Ramos hanesan selebrasaun litúrjika iha Igreja Kristaun nian ne’ebe sempre realiza antes Paskua hodi hanoin kona ba Jesus nia entrada ba Jerusalem, ne’ebe simu husi sarani sira ho ksolok no hahi nia nu’udar liurai molok ba terus to’o mate iha kruz no moris hias.

“Ohin Domingu Paixaun ba Jesus, ita ba reflete konaba Kristu nia terus to’o mate no Kristu Moris hias, hodi banati tuir Jesus nia ain fatin”, afirma amo Albertim Franco Morato, Pároku Santa Terezinha do Meninu Jesus iha Bedois, Domingu (02/04).

Bibi atan ne’e hateten Ramos ne’ebe sarani sira lori hodi selebra Domingu Paixaun ne’e simboliza Vitória ka Jesus manan mate iha Kruz,  tanba ne’e husu ba sarani sira atu rai ramos hirak ne’ebe bensaun ona ne’e ortóriu.

Tuir observasaun Yokalaumedia katak sarani parókia Bedois hahu ho prosisaun la’o husi Gruta Sabraka-Laran to’o parókia hodi banati asaun ne’ebe akontese iha Jerusalem, iha ne’ebe ema hahi haksolok simu Jesus no hawelok nia nu’udar liurai.

Reportagem: Eva Ximenes

 276 Tatal Lee,  2 Views Today