Cardeal do Carmo da Silva husu timor oan atu kria paz no estabilidade iha eleisaun 2023

Dili, yokalaumedia.com (05/04/2023)- Falta de’it ona semana balun, Timor-Leste sei selebra festa demokrasia hodi hili povu nia reprezentante no governante liu husi partidu polítiku ezistente iha ita nia rain.

Relasiona ho periodu importante ne’e, Arcebispo Metropolitanu Cardeal do Carmo da Silva, husu ba timor oan hotu atu kria paz no estabilidade.

“ha’u hakarak hato’o boas Festas Paskua ba sarani doben sira hotu ho liafuan Jesus moris hias nian damen horik ho ita no mai ita kontribui ba dame iha momentu espesial no istoriku ita nia nasaun nian”, husu Cardeal liu husi Konferensia Imprensa ida 04/04/2023 ne’e.

Líder katóliku timor-oan ne’e kontinua husu atu sarani promove paz no domin iha festa demokrasia refere tanba liu husi Jesus nia mate no moris hias purifika tiha ita ema liu husi nia liafuan ne’ebe hato’o ba eskolante sira katak “dame hela ho imi”.

Arcebispo mos husu ba líder politikus sira atu kumpre nia promesa polítika sira hodi dezenvolve Timor tuir povu nia mehi.

“dalan ida atu haforsa no hadia liu tan povu nia moris mak liu husi eleisaun, povu sei fo fiar ba partidu politiku sira ne’ebe iha duni kapasidade no autoridade atu jere rai ne’e nia rikusoin ba povu ne’e nia di’ak”, subliña nia.

Reportagem : Aque Ximenes & Eva Ximenes

 428 Tatal Lee,  2 Views Today