Dili, yokalaumedia.com (02-05-2023)- Xefe Estadu Maior General FALINTIL-Forsa Defeza Timor Leste (F-FDTL), Tenente Jeneral Domingos Raul “Falur Rate Laek” realiza enkontro ho Komandante Jer­ál Polísia Nasional Timor-Leste (PNTL), Komisariu Jerál Henrique da Costa ho nia vise Komisáriu Pedro Belo, hodi Avalia situasaun siguransa jerál iha teritóriu nasionál relasiona ho atividade kampanha Politíka.

“situasaun seguransa oras ne’e ita haree kalma los, maske mosu insendente balun iha Viqueque, por ezemplu hanesan iha Loihuno, no Uatulari. Ha’u fo hatene ona ba Komandate PNTL na’in rua katak kazu Uatulari la’os kazu ki’ik maibe ha’u fiar katak jovem sira iha ona hanoin di’ak hodi evita atu problema refere labele sai bo’ot liu”, afirma Falur Rate Laek, iha Kuartel Jeral Fatuhada, Tersa, (02-05).

Veternau ne’e mos haktuir liu tan katak F-FDTL prontu apoia PNTL bainhira mosu kazu sira ne’e presija duni forsa nia intervensaun.

“Ami mos iha diretiva governu ninian, ministerio Interior ho ministerio Defeza ne’ebe asinadu ona hodi ha’u orienta ba Xefe Estadu Maior hodi destaka servisu ho misaun apoio siguransa ba iha eleisaun ne’e, no ami PNTL no F-FDTL mos iha dirativa konjunta ida hodi regula efetivu sira nia servisu iha terenu”,haktuir Falur.

Nia hakle’an liu tan katak sei orienta no koordena di’ak liu tan ho exérsitu sira hodi apoia Polísia atu bele fo susesu ba eleisaun parlamentar tinan ne’e.

Iha fatin hanesan komandante Jeral polisia Nasional Timor Leste (PNTL), komisario Jeral Henrique da Costa hateten PNTL prepara ona meiu odi solusiona konfrontu entre militante no simpatizante husi Partidu Polítiku sira ne’ebe akontese iha Viqueque, espesialmente iha Uatulari.

 “ita hare ba faze pre-eleisaun, eleisaun no pos-eleisaun, ita akompanha situasaun balun ne’ebe akontese iha munisipiu Viqueque, ita mos prepara ona no sei realiza Diálogu komunitáriu iha Tersa-feira semana oin mai nune’e bele solusiona problema ne’e”, hateten Komisariu Jeral Henrique da Costa.

Komisáriu jerál explika katak Dialogu komunitariu ne’e hodi bolu líder komunitária, joventude, Líder Partidu Politiku sira hodi koalia hamutuk atu garante paz no estabilidade no asegura situasaun hakmatek iha periodu kampanha ne’e nia laran no eleisaun parlamentar.

Reportagem : Eva Ximenes

 1,258 Tatal Lee,  2 Views Today