Díli-yokalaumedia.com 09/05/2023 Sekretáriu Jerál husi klube kampiaun Epoka 2022-2023, Karketu Díli Fc, husu bá orgaun Liga Futebol Timor Leste (LFTL) ho Federaasaun Futebol Timor-Leste (FFTL) atu subsidia ona klube sira tuir promesa atu nune’e bele rezolve jogador sira nia saláriu.

“hanesan Klube  husu nafatin bá orgaun LFTL no FFTL atu prosesa lalais promesa subsidiu bá klube sira atu nune’e ami bele atende tiha saláriu jogador sira nian tanba ne’e deretu klube nian no ita hotu iha konkordansia bá malu mak realiza liga ne’e “, husu Sekretáriu Jerál Karketu Dili Fc, Elezeu Isaac, bá jornalista sira iha estádiu munisipal Dili, tersa’feira ne’e.

Elezeu afirma katak sira la’ó tuir nafatin reuniaun sira ne’ebé mak antes ne’e Klube, FFTL no LFTL realiza molok liga hahú no orsamentu hanesan prémiu ba kampiaun simu ona maibe relativamente ho subsidiu ba kampiaun seidauk simu .

“informasaun ne’ebé mak ami rona katak osan iha ona banku no prezidenti FFTL, Fransisco Geronimo, mós  ko’alia ona bá públiku katak orsamentu rihun atus hat resin sei aloka bá iha Item rua mak hanesan 40% no tuir fali  60%, bazeia ba relatóriu ne’ebe mak klube haruka ba FFTL antes Liga no depois liga hala’o”, hakle’an Sekretáriu Jeral ne’e.

Líder ne’e mos kompromete katak Karketu FC iha tempu badak sei resolve jogador sira nia saláriu, molok subsidu ne’e transfere.

Hatan bá kestaun ne’e, Diretor Finansa LFTL, Caetano Cárceres Correia, rekoñese katak klube sira mós perzisa orsamentu atu apoiu bá sira nia jogador tanba tuir  komprimisiu ne’ebé mak FFTL halo ona no distribui iha faze 40% no 60%.

“Klube balun hatama ona relatóriu tanba saida mak seidauk halo transferénsia tanba relatóriu husi Klube premeiru devizaun hela klube rua no segundu devizaun hela klube tolu mak seidauk hatama relatori maibé la halo transferensia”, esplika Diretor Finansa.

LFTL atribui tiha ona subsidiu refere, maske nune’e tenki simu nafatin lia.

“Ha’u hakarak hetete de’it kona-ba finansial soport ka subsidiu ne’e iha FFTL nia liman tanba sira mak halo transferensia dereita bá klube”, konklui Caetano.

Reportagem : Énio Costa

 1,444 Tatal Lee,  2 Views Today