Díli, yokalaumedia.com (14/07/2023) Domingos Soares habitante aldeia Lenuk Hun, Suku Camea, postu administrativu Cristo Rei,  anin no udan boot sobu nia residénsia iha tinan kotuk, seida’uk hetan apoiu emerjénsia ruma husi parte relevante.

Domingos Soares esplika liu tan katak uma ninia kondisaun ladi’ak ona tanba ai riin no piku mesak lahuk hotu ona nomos kalén mos fruzen hotu ona, tanba ne’e fó ameasa tebes ba vida familia ninian bainhira toba iha laran.

“Ha’u ho ha’u nia kaben nomos familia toba de’it iha dapur durante fulan ida resin depois muda ba toba iha viziñu nia uma to’o hela agora, tanba kondisaun uma ne’e atu tohar no monu, ai sira dodok ona tan harii dezde tinan tinan 30 ba kotuk, hateten Domingos iha residensia Lenuk Hun .

Domingos hetan rekonhesimentu husi Estadu hanesan Veteranu ho dedikasaun 4 à 7 maibe nia subsidiu la konsege uza hodi hadia uma, maibe utiliza ba nesesidade familia nian kada loron.

Nia aprofunda liu tan katak autoridade lokal sira to’o ona iha nia fatin hodi rekolla informasaun no hasai fotografia no kanaliza ba Ministériu Solidariedade Sosiál no Inkluzaun (MSSI) maibé seida’uk to’o agora seida’uk hetan fali resposta ruma.

“ha’u ho familia hamutuk na’in walu (8) maka hanesan ha’u ho ha’u nia kaben hamutuk ho oan na’in ha’at inklui bei oan ida ho idade fulan sia (9) ne’ebé maka hela iha uma ne’e no to’o agora ami toba de’it iha dapur tanba seida’uk halo konstrusaun ba uma refere,” konta Domingos.

Entretantu Domingos Soares ho naran koñesidu ka naran bolu (Miku), moris iha Aldeia Lenuk Hun, iha loron 1 Janeiru 1945, oan husi Mauhato da Costa no Marta da Costa,Domingos nu’udar oan primeiru husi maun alin nain hitu (Feto 6 no Mane ida) no la iha ona kbi’it fíziku hodi hafoun nia uma atu nune’e husu ba parte relevante atu tau mos atensaun Umana ba Domingos Soares no família iha Lenuk-Hun.

Relativamente ho informasaun ne’e, ekipa yokalaumedia.com seidauk hetan konfirmasaun husi Autoriedade lokal.

Reportagem : Kontributór (Paulo Collo)

Revizora : Eva Ximenes

 1,984 Tatal Lee,  1 Views Today