Díli, yokalaumedia.com (4/09/2023) – Ministro  Agrikultura Pekuária, Peskas no Florestas hala’o  tranzisaun ba responsabilidade  kargu sefia sira husi Diretor jerál ba to’o xefe departamentu sira hamutuk na’in 154 husi númeru ne’e estrutura foun 102 no estensaun hamutuk 52, iha comoro.

Ministro  Agrikultura Pekuária, Peskas no Florestas, Marcos da Cruz, esplika katak liu husi prosesu tranzisaun ne’e nia garante sei hasa’e produsaun no redús importasaun aihan iha estadu ida ne’e.

” ami mai submete para organiza deit  imi, tamba  ita nia rain presija ita hodi responde ba problema ne’ebe ita hasoru hanesan ita nia produsaun aihan la aumenta, ida ne’e mak ita sei husu malu no uza imi nia matenek oinsá atu diversifikasi setor agrikultura,Pekuária, Peska no Florestas, imi nia serbisu iha rua, ida ezekuta osamentu ratifikativu no segundu mak imi sei halo planu anual ba orsamentu jerál 2024”, Esplika Marcos.

Iha biban ne’e Diretora Nasionál, Odete Maria do Céu Guterres, rejeita atu asume fali responsabilidade ne’ebe atribui husi Ministro Marcos da Cruz. Relasiona ho ne’e, Governante ne’e sei halo karta ida ba Prezidente Komisaun Funsaun Públika-KFP.

“peskiza ne’e presija ema matenek, maibe señora Odete Maria do Céu Guterres rekuza, ha’u husu ba imi nu’udar Timoroan ne’ebe matenek hodi rekuza atu kaer kargu sira ne’e entaun se mk bele ba fali? Ida ne’e ha’u sei hakerek karta ida ba Prezidente Komisaun Funsaun Públika-KFP, Faustino Cardoso Gomes, relasiona ho diretora peskiza ne’ebe rekuza husi nia kargu ne’e, iha lei ruma hodi regula ida ne’e kah lae? Ida ne’e kompeténsia husi komisaun funsaun públika nian.” kestiona governante.

Entretantu iha fatin hanesan Prezidente Komisaun Funsaun Públika-KFP, Faustino Cardoso Gomes, hatan ba kestaun ne’e hateten nia sei trata asuntu refere iha futuru.

“funsionáriu ne’ebé la prontu asumsi kargu xefia, ida ne’e kabe ba desizaun ninian iha tempu tuir mai ita sei haree, husi parte  Komisaun Funsaun Públika-KFP ba sira ne’ebé la prontu asume kargu diresaun sefia sira”, hatan  Faustino

Líder Komisaun Funsaun Públika afirma nia prontidaun hodi servisu hamutuk ho Diretor jerál korporativu foun hodi atu hare kona-ba selesaun por meritu iha ambitu ministériu Agrikultura nian.

Reportagem: Joanito Rangel

 1,336 Tatal Lee,  1 Views Today