Abu Dhabi, yokalaumedia.com (02/10/2023) – Ministériu Petróleu no Rekursus Minerais (MPRM), Francisco da Costa Monteiro, reprezenta Timor-Leste iha Expozisaun no Konferénsia Petróleu Internasionál iha Abu Dhabi (ADIPEC – Sigla Inglez), bazeia ba konvite husi Ministru Enerjia no Infraestruturas husi Emirados Árabes Unidos nian, Suhail Mohamed Al Mouzrouei, ne’ebe realiza husi loron 2 to’o loron 5 fulan Outubru tinan 2023.

Eventu signifikante ida ne’e, realiza ho patrosíniu husi Prezidente Emirados Arabes Unidos nian, Sheik Mohammed Bin Zayed Al Nahyan.

Tuir komunikadu Imprensa ne’ebe publika husi Media-GMPRM katak ministru Francisco Monteiro, ho previléjiu reprezenta Timor-Leste, iha forúm altu nível no diskusaun meza redonda mos sei partisipa mos enkontru nível ministros husi rejiaun Ázia, Europa, Áfrika no Amérika Súl no Norte.

Além de ne’e, marka mos presenza husi Xefe husi Organizasaun Internasionál sira, Inklui husi OPEC, hodi partisipa iha diskusaun kona-ba regra husi Chatam House “regra ne’ebé regula katak, partisipante husi reuniaun bele uza informasaun ne’ebé mak hetan iha reuniaun ne’e, maibé labele lekar ba ema seluk ne’ebé mak komenta”.

Dikussaun ne’e sei sentraliza liu ba importánsia husi tranzisaun enejétika iha dezenvolvimentu ekonómiku, kresimentu no avansu sósiu ekonómiku. Entretantu Ministru Monteiro nia intervesaun sei foka liu ba importánsia rekoñesimentu gás natural hanesan parte ida husi tranzisaun enerjétika krusiál, tanba emisaun karbonu ki’ik liu.

Liu husi Komunikadu ne’e mos Ministru afirma katak, nasaun hanesan Timor-Leste tenke explora no dezenvolve nafatin gás natural atu nune’e bele kontribui konsideravelmente ba nesesidade ajustamentu ritmu relasiona ba konstrusaun sósiu ekonómiku kada nasaun nian.

Iha diskursu abertura iha eventu ne’e, Prezidente Designadu ba COP28 (Konferénsia Nasoes Unidas kona-ba Mudansa Klimátika) no Ministru ba Indústria no Teknoloijia Avansada, husi Emirados Arabes Unidus,  Sultan Ahmed Al jaber deklara katak, “ohin iha ADIPEC iha Abu Dhabi, há’u dehan ho total konfiansa: indústria ne’e bele no tenke ajuda buka solusaun.

Kleur ona indústria ida ne’e konsidera hanesan parte husi problema, tanba indústria ida ne’e, la halo buat nato’on, iha kazu balun, dala ruma blokeia progressu. Eventu ida ne’e hanesan oportunidade atu hatudu ba mundu katak, ita sai sentru fundamental ba solusaun”.

Reportagem : Eva Ximenes

 2,232 Tatal Lee,  2 Views Today