Díli, yokalaumedia.com (12/02 /2024) – Centru Nasional Operasaun Protesaun Civil-Autoridade Protesaun Sivil (CNOPC-APC) ohin relata dadus Relasiona ho dezastre ne’ebe akontese iha loron 6 to’o loron 12 fulan fevereiru tinan ne’e Ne’ebe akontese iha teritoriu Nasional rejistu  uma hamutuk Xefe Família 196 ne’ebe estragus.

Xefe Gabinete GREAC, Cesario da Silva Marques informa katak dezastre ne’ebe mak akontese iha munisípiu 11 Hanesan iha munisípiu Aileu, Ainaro, Baucau, Bobonaro, Ermera, Lautem, Liquisa, Manatuto, Manufahi, Viqueque ho Rejiaun Administrativa Espesial Ambeno Oecusse (RAEOA) mak hanesan rai halai, anin sobu, Bee sa’e no Ahi han.

“iha munisípiu Aileu rai halai estragus Komunidade nia uma ida no Bee sa’e Komunidade nia uma ida, iha munisípiu Ainaro anin sobu Komunidade nia uma 119 no Bee sa’e Komunidade nia uma ida no Ahi han Komunidade nia uma rua, iha munisípiu Baucau ema ida Lakon vida no anin sobu Komunidade nia uma ida, munisípiu Bobonaro anin sobu Komunidade nia uma neen no rai halai estragus Komunidade nia uma tolu, munisípiu Ermera anin sobu Komunidade nia uma 34 no rai halai estragus Komunidade nia uma hitu, munisípiu Lautem anin sobu Komunidade nia uma rua, munisípiu Liquisa anin sobu Komunidade nia uma ne’en no rai halai estragus Komunidade nia uma ida, munisípiu Manatuto rai halai estragus Komunidade nia uma ida, munisípiu Manufahi anin sobu Komunidade nia uma tolu, Munisípiu Viqueque anin sobu Komunidade nia uma 13 no Ahi han Komunidade nia uma ida no RAEOA anin sobu Komunidade nia uma hitu”, Xefe Gabinete GREAC, Cesario da Silva Marques,  informa liu husi komferensia Imprensa, iha Kaikoli, Segunda-Feira (12/02).

Cesario mos esplika katak família sira ne’ebe mak afetadus hetan ona apoiu emerjensia hanesan food item no non food item.

Reportagem : Eva Ximenes

 478 Tatal Lee,  1 Views Today