Díli, yokalaumedia.com (19/05/2023 – Komandu PNTL ne’e mos informa liu tan katak ema na’in 16 kanek kaman no 1 kanek todan tanba monu ho kareta iha área Kulau, Kinta-feira kalan.

“asidente ne’ebe mak akontese iha área Critu-Rei (kulau) no oras ne’e daudaun vítima sira halo ona tratamentu iha Ospitál Nasionál Guidu Valadares, vítima hamutuk 16 sofre kanek kaman no ida sofre kanek grave iha parte ain tohar”,konfirma Komandante Polísia munisípiu Díli..

Tuir informasaun husi polísia katak kareta ne’ebe tula militante no simpatizante husi Partidu Congresso Nacional para a Reconstrução de Timor-Leste (CNRT) ho marka Kijang Carry.

“asidente ne’e akontese bainhira kareta refere tula militante sira atu fila ba sira nia hela fatin hafoin partisipa kampaña polítika partidu CNRT iha Tasi-tolu, por volta tuku 07 resin”, konta Natércia Martins.

To’o notísia ne’e fo sai, ekipa yokalaumedia.com ladauk hetan motivu lolos husi asidente refere, enkuantu vítima balun fila hikas ona ba sira nia residénsia hafoin hetan asisténsia médika iha centro saúde Becora no ida ne’ebe sofre kanek todan iha parte ain sei enterna iha hospitál hodi hetan kuidadu médiku.

Reportagem : Joanito Rangel

 592 Tatal Lee,  1 Views Today