DÍLI, yokalaumedia.com (02/08/2023) – Komandu Polisia Nasional Timor-Leste (PNTL) munisipiu Díli planeia ona atu estabelese hikas postu polisia iha fatin risku ba konflitus ne’ebé indentifikadu ona iha kapital Timor-Leste.

Komandante PNTL Munisipiu Díli, Superientendente Xefe Orlando Pereira Gomes, esplika katak estabelesimentu postu vizilánsia ne’e bele minimiza no prevene konflitu no rekoñese mos insufisiénsia rekursu umanu, maske koloka ona  Ofisiál Polísia Suku (OPS) iha fatin balun.

“Ita koloka ona OPS iha suku hamutuk 35 iha Díli, maibé ita nia rekursu lato’o tanba sira ema ida de’it, tanba ne’e mak ita sei estabelese tán postu vizilansia iha fatin sira ne’ebe identifikadu hanesan risku ba konflitu”, dehan Orlando ba jornalista  iha Komandu  PNTL Díli kaikoli (02/08).

Gomes mos subliña liu tan katak Komandu PNTL dadaun  ne’e identifika ona fatin risku ba konflitu iha Díli, no sei monta tán postu polísia iha fatin hirak ne’e.

“ita espera tinan oin, ita nia Governu loke ona rekurtamentu atu bele apoiu servisu OPS nian iha suku sira”, espera komandante Munisipiu ne’e.

Xefe Suku Madohi Bernardino de Cristo Ferreira, husu atu hari’i postu seguransa iha nia suku nune’e atua ho fásil bainhira mosu konflitu ruma.

“Iha área Beto sempre mosu konflitu ha’u hanoin OPS mesak labele, tenke koloka tán postu polísia ida para nue’e  ajuda OPS hodi halo intervensaun ba konflitu sira ne’ebé mosu iha suku”, hakotu nia.

Reportagem : Eva Ximenes

 2,171 Tatal Lee,  1 Views Today