Díli-yokalaumedia.com – 15/02/2024- Polísia Nasionál Timor-Leste(PNTL) liu husi Portavós Polísia Nasionál Timor-Leste realiza konferensia imprensa hodi hatan ba atuasaun Polísia Nasionál Timor-Leste ba polémika protestu profesór kontratadu sira ne’ebé hasoru Ministeiru Edukasaun, iha sala komferensia komandu jerál kaikoli.

Portavós superentedente Polísia, António da Luz esplika katak, konstituisaun Repúblika Demokratika Timor-Leste artigu 42 fo “liberdade ba reuniaun no ba manifestasau” ba sidadaun hotu-hotu maibe respeita mos lei nu.1/2006 8 de  febreiru kona-ba Liberdade reuniaun no manifestasaun nian.

“los duni sidadaun hotu-hotu iha liberdade atu halo reianu no manifestasaun maibe tenki kumpre rekezitu sira ne’ebé estipula iha lei nu.1/2006 8 de  febreiru, ne’ebé limite sidadaun hotu-hotu atu halo manifestasaun lalebe besik Edifisiu públiku, tamba ne’e mak fo distánsia 100 metro. Ita nia manorin sira molok sira halo manifestasaun sira halo pedidu ida mai komandu husu atu asegura sira hodi halo sira nia atividade, nune’e husi komandu no portavós profesór kontratadu sira nian halo inkontru ho segundo Komadante jerál iha desizaun ida katak manifestasaun ne’e sira sei halo iha Tasi-Tolu inkontru ne’e sira realiza iha loron 29 fulan-Janeiru tinan ne’e”, esplika António.

Portavós ne’e mos subliña katak Polísia Nasionál Timor-Leste prontu nafatin hodi asegura ba atividade ida ne’e.

“komandu fo orientasaun ba komandu Munisipiu sira hodi asegura atividade ida ne’e. Maibé sei lá autoriza manifestante sira hodi halo marsa no halo manifestasaun besik edifísiu públiku sira”, subliña Portavós.

Enkuantu superentedente Polísia, António da Luz mos husu ba sidadaun hotu-hotu katak atu halo asaun pasífiku ida tenki husu atorizasaun ba parte siguransa.

“tamba saida mak husu aturizasaun? Para atu asegura sira nia asaun manifestasaun hodi ema seluk labele aproveita situasaun sira hanesan ne’e hodi halo distúrbiu iha fatin ne’e ba.  Tamba ne’e mak kualkér atividade sira tenke Kordena ho  siguransa hodi parte siguransa bele asegura sira tamba profesór sira mos ema importante no sira nia intensaun ne’e di’ak tamba sira halo ida hodi ejize sira nia direitu maibe ita tauk mak ema seluk aproveita situasaun sira ne’e hodi halo fali bele hlo fali buat ruma ida ne’e ita lakoi. Polísia tenki atua tuir lei, se Polísia mak lá atu mosu buat ruma sira  fo Polísia tamba la hala’o sira nia servisu. Tamba ne’e sidadaun se de’it mak kontra lei Polísia teki atua”, akresenta António da Luz.

Reportagem: Joanito Rangel

 1,066 Tatal Lee,  1 Views Today