Dili, yokalaumedia.com-(11/03/2023), Data realizasaun ba Eleisaun Parlamentar 2023, Presidente Repúblika José Ramos Horta dekreta ona ba loron 21 Maio 2023.

Partidu polítika, antes loron eleisaun nian, sei halao kampanha eleitoral hodi fa’an sira nia programa hodi desenvolve Timor-Leste bainhira hetan konfiansa husi povu.

Komisaun Nasionál Eleisaun, iha segunda-Feira,9/2/23 ne’e, halao sorumutu ida ho komunidade musulmana iha Timor-Leste iha masjid Kampur Alor Díli hodi ko’alia konaba eleisaun parlamentar 2023.

Presidente Komisaun Nasionál Eleisaun, José Agostinho Belo, hateten katak vizita ne’e hodi hala’o diskusaun aberta ho komunidade Musulmana no lider relijiaun seluk hanesan; Protestante no Katolika hodi buka konsensu ida nune’e hodi bele fo susesu ba eleisaun ida ne’e.

“Ohin, ita nia prezensa iha ne’e atu fahe informasaun konaba eventu importante ne’e, no prepara fornese edukasaun sivika ba estudante sekundáriu sira hodi sir abele fahe tutan ba inan-aman sira”, informa Presidente CNE (Sigra-Portuguéz).

José Belo mos hakle’an liutan katak eleisaun la’os obrigatóriu, maibe ema hotu nia responsabilidade nu’udar Timor-oan tanba ne’e mak CNE (sigla-Portuguéz) iha konviksaun ida atu koopera di’ak ho Sekretariadu Tékniku Administrasaun Eleitoral (STAE)  atu buat hotu bele la’o di’ak no pasífiku.

Iha okaziaun hanesan, Líder komunidade izlámika, Haji Abaullah S. Sagran, sente kontente ho prezensa Komisaun Nasionál Eleisaun iha ne’ebe bele rona sira nia hanoin maske ki’ik numérikamente iha Timor.

Sagran mos sei informa asuntu sira ne’ebe diskute ho CNE ba musulmanu sira nune’e garante  solidariedade nune’e bele hametin paz no estabilidade durante tempu eleisaun.

“Ita hotu akompana dezde 2002 to’o mai ohin loron, iha konflitus balun ne’ebe dalaruma akontese, maibe la’os entre relizioju sira, tamba ne’e fiar katak ba oin buat hotu la’o tuir Maromak nia hakarak no susesu”, hakotu Haji.

Reportagem : Cedelizio Rego

 267 Tatal Lee,  2 Views Today