Dili, yokalaumedia.com (28/03/2023). Sekretáriu estadu komunikasaun sosiál (SEKOMS) realiza the press meeting hodi divulga ba públiku konaba servisu husi Ministeriu defeza durante mandatu Oitavu Governu Konstitusionál, ho tópiku “Atinjimentu Servisu Governu Durante Mandato”  iha auditóriu palásiu Governu-Díli.

Sekretariu Estadu Komunikasaun Sosiál, Merício Juvinal Akara, iha abertura, esplika katak the press meeting ne’e realiza atu governu divulga informasaun loos no kredível ba públiku relasiona ho Governu nia servisu, liu husi media sira atu nune’e sidadaun sira bele konsumu.

“objetivu atu ita nia sidadaun sira bele komsumu informasaun ida ne’ebe los no kredivel husi governante sira tanba sira iha direitu atu rona no simu informasaun saida deit, la iha ema ida atu viola, nune’e governu iha responsabilidade tomak atu divulga informasaun kona ba lalaok dezemvolvimentu nasaun nian ne’ebe ministériu ida-idak halo”, esplika Akara.

Entretantu Ministéro Defeza, Filomeno Paixão, mos  haktuir katak Instituisaun defeza (F-FDTL) presija moris ho baze legal ne’ebe di’ak no adekuadu.

 “depois de governa fulan tolu, ha’u ho ekipa hasai diretiva ministériál ida tuir planu Defeza Militar nian atu nune’e diresaun Jerál Administrasaun, Diresaun Nasionál Koperasaun Internasionál no Gabineti Planeamentu Estratéziku bele produz baze legal sira hanesan lei Defeza Nasionál, lei Siguransa Nasioál no lei siguransa interna hodi transforma Instituisaun Defeza (F-FDTL) sai forsa konvensionál ida”, konta Paixão.

Governate ne’e hakle’an liu tan katak husi 2018 ba kotuk  Falintil- Forsa Defeza Timor-Leste (F-FDTL) moris de’it ho rezime de sustentasaun, seidauk iha investimentu real ida, tanba ne’e bazeia de’it ba iha baze legal sira ne’ebe preve ona mak hanesan  Konseitu Estratéziku Militár, Misaun F-FDTL, sitema das Forsas no Orden Dispozitivu no Autoridade Marítima maibe ne’e estabelese iha 8 oitavu Governu nia mandatu tuir lei defeza nasionál hatete . Nia akresenta.

Subliña liu tan katak iha nia mandatu halo rekrutamentu ba faze rua iha primeira hamutuk efetivu 600 enkuantu iha segunda faze rekruta efetivu 598 total hamutuk 1.198 no halo mos mudansa ba bem–estar militar nia hanesan aumenta osan refeisaun ba dolár 10 kada loron no aumenta saláriu ba 20% husi saláriu inisiál.

Tuir dadus ne’ebe miniteriu ne’e rejista katak projetu ne’ebe simu husi governasaun anteriór hamutuk projetu 3 no iha mandatu oitavu  Governu nian halo dezeñu projwtu 29, no hahu  konstrusaun hamutuk 15.

Governate ne’e mos hakotu nia intervensaun hodi rekomenda ba governasaun tuir mai atu kria rezime judisiária ka kodigu justisa militar no tribunál militar, tanba sansaun disiplinar deit la to’o atu halo justisa ba militár sira ne’ebe komete krime.

Reportazem: Nito Rangel & Nário Costa

 264 Tatal Lee,  1 Views Today