Dili, yokalaumedia.com (04/04/2023) – Komadante Jerál PNTL, Komisáriu Jerál Henrique da Costa no segundu komadante, komisáriu Pedro Belo, fó pose ba ofisiais superior na’in sia hodi assume kargu xefia no komadante iha Polísia Nasionál Timor-Leste, iha salaun Komandu Jerál PNTL Dili 03/04.

Superintendente Xefe José Soares asumi kargu komadante Operasional PNTL; Superintendente Xefe Arquimino Ramos asumi kargu Komadante Komadu pesoal no Formasaun; Superintendente Julia da Gama asumi pasta Komadante Unidade Apoiu servisu; Asistente Superintendente Carlito da Silva Adorio asumoi kargu xefi Gabineti Relasaun Internasional; Inspetur Xefe Ricardo Kurniawan Moníz asumi nu’udar Xefi Gabineti Komadante Jerál; Inspetur Virgílio Domingos Correia ba kargu Xefi Gabineti Asesoria Jurídika. Asistente Superintendente Helena das Dores Alves asumi kargu Xefi Departamentu Saúde;

Inklui Emílio dos Santos asumi kargu Komadante Interinu Sentru Formasaun Polísia (SFP); João Joselino Batista asumi kargu 2º Xefi Gabineti Komadante Jerál;

komimsáriu Jerál Henrique da Costa hateten re-estrutura PNTL hanesan servisu ida dahuluk ne’ebe halo hodi serbi di’ak liu tan instituisaun no públiku.

“re-estruturasaun nu’udar atividade prioridade internal PNTL nian no husu ba komadante Operasional foun atu tau atensaun no prepara hodi planu polisiál atu asegura estabilidade durante kampaña eleitorál”, haktuir komandante PNTL.

Hafoin simu responsabilidade hanesan Komadante Operasional, Superintendente Xefe José Soares, haktuir katak planu operasional hodi asegura selebrasaun Paskua preparadu ona.

“planu operasaun hodi garante paz no estabilidade iha selebrasaun paskua preparadu no sei kontinua atu asegura atividade kampaña eleitoral sira atu mantein ho situasaun estabilidade no paz”, esplika Komandante Operasionál PNTL.

Komandante ne’e reforsa liu tan katak seguransa la’os de’it responsabilidade PNTL nian, maibé siadadaun hotu iha responsabulidade, tanba ne’e kontinua husu atu sidadaun mantem hakmatek la hamosu disturbiu hodi impede ordem públika.

Reportajen : Elmerito Costa

 344 Tatal Lee,  2 Views Today