Dili, yokalaumedia.com (05/04/2023)- Komadante Jerál PNTL, Komisáriu Jerál Henrique da Costa no segundu komadante PNTL, komisáriu Pedro Belo, simu vizita kortejia husi Embaixadór Indonésia no ekipa Polísia Repúblika Indonésia (POLRI) iha salaun kuartél Jerál PNTL Dili 05/04, atu parabeniza komando PNTL hafoin promosaun sa’e deviza no pose hodi lidera instituisaun seguransa.

“embaixadór Indonésia ho nia ekipa sira nia vizita mai iha komandu Jeral PNTL atu fó parabéns ba ami, nu’udar komandante jerál no segundu komadante foun PNTL no estrutura tomak”, informa”, Komisáriu Jerál Henrique da Costa.

Komandante jerál ne’e mos informa liu tan katak iha sorumutu ne’e PNTL no ekipa Polisia Repúblika Indonézia (POLRI) mos deskute asuntu kooperasaun iha futuru.

“vizita ida ne’e, nu’udar oportunidade diak ba ita atu kontinua husu apoiu, liu liu atu dezenvolve iha área kapasitasaun ba ita nia membru PNTL  sira”, salienta Henrique.

Iha okaziaun hanesan, embaixadór Indonézia, Okto Dorinus, afirma katak vizita ne’e hodi aborda mos ho Komando PNTL foun kooperasaun iha futuru.

“ami mai vizita Komandu Jeral PNTL, atu fó ami nia parabéns ba Komandante Jerál no segundu kodante foun ho estrutura tomak, no  ami koalia mos konaba, kopersaun bilateral ne’ebé estabelese ona durante ne’e,  no oinsa atu ervisu hamutuk tan iha tempu oin iha área oin oin, liiu liu ba iha dezenvolvimentu kapasitasaun nian’’, esplika Okto Dorinus.

Entretantu, vizita kortejia husi Embaixadór Indonésia ne’e lori mos reprezentante husi Badan Usaha Milik Negara ( BUMN-Sigla Indonézia) ka Empreza públika, Badan Usaha Milik Suasta (BUMS-Sigla Indonézia) no Polísia Repúblika Indonésia (POLRI-Sigla Indonézia).

Reportagem : Elmerito Costa

 287 Tatal Lee,  1 Views Today