Sidadaun ida kanek iha fronteira Bobonaro no PNTL identifika ona suspeitu kazu osan Falsu iha Lautem

Dili-yokalaumedia.com,(04/05/2023) Xefe Departamentu Investigasaun Kriminal, Superintendente Xefe Jorge Monteiro haktuir katak iha loron 29 Abril tinan ne’e sidadaun nain tolu tama ilegalmente ba Atambua.

“sidadaun nain tolu ne’e tama ilegalmente ba Atambua hodi sosa motorizada. Iha loron tuir mai 30 Abril sidadaun nain tolu ne’e ho matorizada rua ne’ebe sira sosa halo viajen mai fali iha timor no hetan asaltu husi grupu deskuinesidu mais ou minus ema nain ruanulu resin mak halo asaltu ba sira no rejulta vitima ida kanek grave iha parte ulun no liman, asaltu ida ne’e akontesi iha ita nia rain no sidadaun nain tolu husik hla motorijada ne’ebe sira sosa no sira halai fahemalu”,haktuir Jorge Montreiro.

Relativamente ho akontesimentu refere, polisia halo ona investigasaun inisial, vitima ne’ebe hetan taa iha parte ulun no liman hala’o hela tratamentu médiku iha Atabae, enkuantu vitima nain rua seluk halai hodi salva an maibe PNTL identifika ona no foti ona deklarasaun kompletu.

Iha fatin hanesan mos Xefe DIK mos informa tan katak PNTL identifika ona suspeitu husi kazu osan falsu iha Lautem, Postu Administrativu Lospalos, suku Fuiluru, aldeia Sabarika.

“evidensia osan falsu ne’e iha ona komandu munisipiu lautem nia liman no vitima ba iha sirkulasaun osan falsu ne’e PNTL halo identifikasaun ona no suspeitu ne’ebe utiliza osan falsu hodi halo kompras mos polisia liu husi informasaun identifika ona nia identidadeno sei halo notifikasaun ho foti nia informasaun”, hateten Jorge Monteiro.

PNTL sei rejistu kazu refere iha Ministeru Publiku(MP) hodi bele halo prosesu investigasaun ne’ebe klean atu evita sirkulasaun osan falsu refere iha ita nia rain. No oras ne’e dau-daun PNTL rekolla ona osan $20.00 tahan ida hanesan provas ida. Hakotu nia.

Reportagem : Joanito Rangel

 2,751 Tatal Lee,  1 Views Today