Atleta 13 reprezenta TL iha ASEAN para Games 2023 iha Kambódia

Phnom Penh-Kambódia, yokalaumedia (02/06/2023) – Kontigénsia Timor-Leste, kompostu husi Atleta  to’o ona iha Phnom Penh kapital Kambódia hodi partisipa iha ASEAN Para games ne’ebe realiza ba dala 12.

Iha delegasaun ne’e kompostu husi atleta timor-oan na’in 13 ne’ebe sei kompete iha modalidade 6 mak hanesan inklui para xadres ne’ebe reprezenta husi atleta na’in 2, para atletismo na’in 2, para natasaun na’in 2, para badminton (Tenis de meja) ema na’in 4, Para Badminton (Tenis Lantai) ema na’in 1 no para powerlifting (foti besi) ne’ebe reprezenta husi ema na’in 2.

Inocêncio Ximenes, hanesan treinador ba para Xadres hateten sira to’o ho kondisaun ne’ebe di’ak no oras ne’e ekipa Timor-Leste participa ona iha Opening Cerimony ne’ebe realiza iha Phnom Penh Kambódia.

“ami to’o ho di’ak no ami mos partisipa ona iha serimónia abertura ba ASEAN para Games ba dala 12, ita nia delegasaun hamutuk ema na’in 29, Atleta na’in 13 no seluk hanesan ofisial sira no treinador sira”, haktuir Inocêncio Ximenes via whatsApp iha sexta-feira ne’e.

Relativamente ho horariu jogu, treinador ne’e seidauk hetan konfirmasaun husi komisaun organizador evento refere.

Reportagem : Eva Ximenes/ Joanito Rangel

 6,409 Tatal Lee,  1 Views Today