Phnom Penh-Kambódia, yokalaumedia.com (03/06/2023) –  Sábadu dader ne’e Atleta timor-oan na’in 2, ne’ebe kompete iha modadlidade para Xadres iha ASEAN ParaGames 2023 joga kontra atleta na’in 2 husi Filipina.

Atleta Abilio de Araújo (TL) kontra Jusbert Belarmino Rom (Filipina) no atleta Amandio Martins do Rego (TL) kontra Rodolfo da Silva sarmento (Filipina). Iha jogu rua ne’e, Timor-Leste lakon ho Filipina.

Inocêncio Ximenes, treinador para Xadres, haktuir informasaun ne’e hafoin akompaña jogu entre Timor-Leste kontra Filipina iha Kambódia Sábadu dader ne’e via whatsApp.

“ita nian, Abilio lakon ho Check man ne’e katak lakon ho pasu (8 langka) no ho minutu 14. Entretantu Amandio lakon ho Check man ne’e katak lakon ho pasu (12) no ho minutu 12”, esplika Inocêncio.

Treinador ne’e mos haktuir liu tan katak timor-oan na’in 2 ne’e, iha posibilidade sei hakat ba jogu tuir mai, tanba jogu ne’e hanesan jogu inisiál ne’ebe ema hanaran Chees Standar ka rapid Chees.

“jogu ida ne’e hanesan jogu abertura ne’ebe sira, Filipino na’in rua ne’ebe manan ne’e sei hakat ba segundu jogu. Ita nian mos sei nafatin ba jogu tuir mai, maibe valor ida ne’e mos sura hotu”, konta Ximenes

Reportagem : Eva Ximenes

 1,619 Tatal Lee,  1 Views Today