Díli, yokalaumedia.com (14/06/2023) – Sekretaria Estadu ba Juventude no Desportu (SEJD),  estabelese akordu kooperasaun ho East Timor Development Agency (ETDA), hodi kapasita juventude timor-oan iha área Ospitalidade.

Diretur Diresaun Nasional Juventude no desportu (DDNJD),  Jacinto Ximenes, hateten ETDA  ho  SEJD  iha kooperasaun ida ne’ebe di’ak hodi fasilita formasaun ba foin sa’e sira ne’ebe rekruta husi SEJD.

“ami kopera Malu di’ak tebes hodi fasilita formasaun ba juventude sira, dezde tinan Hirak liu ba, no agora SEJD  mak halo rekrutamentu, hafoin  ETDA  mak kapasita”, dehan Jacinto, iha Edifisiu SEJD, Dili, kuarta (14/06).

Nia dehan Agora dadaun   Juventude sira ne’ebe mak iha vontade atu tuir formasaun refere hahu inkreve ona iha diresaun  SEJD  hamutuk ema na’in 300, maibe sei halo selesaun  tanba presija de’it ema na’in 30 no formasaun ne’e sei dura to’o fulan 3 no sei finansia husi Governu liu husi SEJD ho orsmanetu hamutuk $ 36 mil resin.

“joven lubuk ona mak asesu ona ba servisu hafoin partisipa iha formasaun ne’e no balun loke rasik empregu ba an rasik, loke rasik sira nia kafetaria, no balun mos servisu hela iha  ETDA hodi pedidu husi empresa no instituisaun seluk”, esplika Diretor Nasionál SEJD ne’e.

Iha sorin seluk, Dulce Soares, aplikante, rekoñese katak formasaun refere hanesan espasu ne’ebe di’ak ba joven sira hodi hetan koñesimentu iha área ospitalidade.

“hanesan Juventude sente orgullu tanba governu liu husi husi SEJD hamosu espasu ne’ebe pozitivu tebes liliu atu kapasita ami  joven sira nia kuinesementu  iha area hospitalidade no ha’u  kontente konkore ba iha formasaun refere no agora mak foin tama iha faze selesaun dokumentus nian”, dehan Dulce.

Reportagem : Kontributór (Alau)

 1,962 Tatal Lee,  1 Views Today