Díli, yokalaumedia.com (08/08/2023) – Ministra Edukasaun sorumuto ho representante  Banku Mundial iha Timor Leste hodi revé programa no implementasaun projetu BEST, finansia husi Banku Mundial besik milaun 23 hodi dezenvolve Infra-estrutura, Formasaun Ba manorin-na’in sira, produsaun material Edukativa sira no dezenvolve sistema Jestaun informasaun iha Ministeriu Edukasaun.

Iha sorumutu ne’ebe realiza iha salaun VIP Ministeriu Edukasaun Vila Verde Dili ne’e, Ministra Dulce de Jesus Soares hateteb sei hadia fali planu no programa nune’e bele kanaliza ba orsamentu ne’e ba nesesidade estudante sira nian.

“sorumutu ne’e atu hare programa implementasaun projetu BEST ne’ebe la’o tinan 3 resin ona no foin atinje 4% Tamba née tempu limitadu tebes no hela deit fulan 24 atu kompleta projetu ne’e, nune’e ami sei dezeña fila fali planu no programa hodi uza orsamneto ida ne’e ba estudante sira nia nesesidade liu liu ba komponente 4 nebe temi ona hodi kontinua projetu ne’e iha fulan hirak ne’e nia laran”, hateten ministra iha Tersa-Feira ne’e.

Ministra  Edukasaun Dulce de Jesus Soares deklara IX Governu Konstituisional nia kompromisiu atu hein aprovasaun husi Banku Mundiál hodi fó nafatin oportunidade ba utilizasaun fundu ne’e iha fulan 24 nia laran tanba konsidera apoiu ho montante milaun 23 hanesan ajuda bo’ot tebes ba Timor Leste.

Entretantu, Bernard Barborne, Diretor Ezekutivu Banku Mundiál iha Timor Leste espresa nia laran ksolok hodi servisu hamutuk membru governu ne’e.

“ami orgullo tebez atu bele servisu hamutuk ho Ministra Edukasaun, oinsa ami bele  apoiu nia programa hare ba edukasaun ne’ebe krítiku tebes no Timor Leste hanesan Nasaun foun ne’ebe tenki fo importânsia ba edukasaun”, afirma Bernard Barbone.

Diretor Ezekutivu Banku Mundiál ne’e mos kontinua kuda konfiansa ba IX Governu Konstituisional, atu apoia polítika governu ba hasa’e kualidade edukasaun iha Timor-Leste.

Reportagem : Eva Ximenes

 404 Tatal Lee,  1 Views Today