Díli, yokalaumedia.com (24/08/2023) – Sekretariu Estadu Komunikasaun Sosial (SECOMS) Expedito Loro Dias Ximenes lansa expozisaun produtu jornalistiku ba estudante Universidade Nasionál Timor-Lorosa’e Fakuldade Ciensia Sosiais, Departamentu Komunikasaun Sosiál, atu eleva koñesimentu mundu Jornalizmu nian ho kualidade.

Expedito esplika katak atu hadia kualidade informasun mak iha kapasidade tolu ne’ebe presija konsidera mak Kapasidade Intelektuál, profesionál no tékniku.

“oinsa atu kapasita imi iha mundu jornalizmu ho kualidade iha tipu tolu hanesan kapasidade Intelektuál, Formasaun no Tékniku”, hateten Expedito Dias Ximenes, iha nia Diskursu, iha kampus Lama, Vila verde, Kuinta-Feira (24/08).

SECOMS haktuir katak Kapasidade Intelektuál ne’e mai husi universidade hodi hetan habilitasaun literaria jornalista nian mak determina nia kualidade bainhira rekolla informasaun ba iha meus komunikasaun nian.

Enkuantu kapasidade profesionál katak bainhira estudante hetan ona teoria iha Universidade akaba ona bele kontinua ba tuir formasaun no kapasitasaun atu bele prátika teoria ne’ebe mak iha banku universitariu hetan atu bele eleva koenesementu di’ak liu tan iha mundu jornalizmu nian.

Entretantu kapasidade Tékniku katak era agora dizitál signifika katak jornalista ida tenki hatene loke kumputador, loke website tenki hatene hodi kapasita diak liu tan iha mundu ohin loron globalizasaun tenki adaptasaun ho ida ne’e, presisa fo formasaun mos liga ba iha area tékniku nian.

Governante haktuir katak programa IX Governu konstituisional ne’ebe lidera husi Primeiru-Ministru, Kay Rala Xanana Gusmão, ne’ebe tau atensaun maka’as ba iha setór komunikasaun sosial.

Reporetagem : Eva Ximenes.

 1,333 Tatal Lee,  1 Views Today