Díli, yokalaumedia.com (10/10/2023) – Centro Nasional Chega (CNC) koopera ho Sekretaria Estadu Arte no Kultura (SEAK) hakarak realiza Festival Fronteira 2023 ne’ebe sei realiza iha fulan Novembru tinan ida ne’e.

Iha enkontru koordenasaun, Sekretariu Estadu Arte no Kultura, Jorge Soares Cristovão, festival ne’e atu hametin liu tan interkambiu kultural entre komunidade iha fronteira hodi promove rekonsiliasaun tuir rekomendasaun Chega!.

“ita atu realiza iha 28 de outubru hanesan komemorasaun loron kultura nasional no loron integra relatoriu chega maibe koinside ho loron eleisaun suku tanba ne’e adia fali ba fulan Novembru husi loron 15-19 no aktividade sira seminariu, Kolokiu, festival kultural, Feira,  joven sira sei aprezenta mos sira nia obra, joven sira sei aprezenta mos sira nia talentu yutubersidade no iha mos jogu amigavel”, esplika SEAK, Jorge Soares Cristovão, iha salaun CNC, Tersa-Feira, (10/10) ne’e.

Jorge mos haktuir katak festival ida ne’e sei hetan partisipasaun husi komunidade Kupang, Belu, Malaka no Kefa.

“husi ita nian rasik liña ministeriaias sira ohin ami hahu koordena atu hola parte iha komisaun hodi realiza eventu ne’e rasik ohin partisipa mak ministériu Turizmu no Ambiente, Ministériu Komérsiu Industri, Ministériu Administrasaun Estátal, Sekretariu Estadu Eletrisidade, Bee no Saneamentu, Sekretariu Estadu Komunikasaun Sosiál, Ministériu Interior, Ministériu Juventude Desportu, Arte no Kultura”, esplika Jorge.

Membru governu ne’e mos afirma liu tan katak autoridade lokál Sira mos prontu atu partisipa iha eventu ne’e hodi asegura siguransa iha eventu refere.

Entretantu, Diretor ezekutivu CNC, Hugo Fernandes, informa katak husi parte ne’e nian sei partisipa maximu husi liña ministeriais sira ho sira nia pesoal ne’ebe mak atu ba, iha munisípiu tolu mak sei partisipa maximu liu iha festival mak munisípiu Bobonaro, Covalima ho Rajiaun Administrativa, Espesial Oecusse Ambeno (RAEOA) tamba sira mak minisípiu fronteira no munisipiu sira seluk iha delegasaun ema nain rua hodi ba partisipa kultural nian.

“ita sei halo kalkulasaun ba munisípiu fronteira tolu ne’e kada nunisípiu 50 pesoas, husi munisipiu seluk mos ita sei iha selesaun, husi Timor mos sei halo selesaun ba grupu sira ne’ebe hetan apoiu husi ministériu Turizmu, Ministériu Komersiu, Sekretariu Estadu Arte no Kultura rasik,  ha’u hanoin kalkulasaun ita bele atinji to’on 700 pesoas durante loron lima iha Munisípiu Bobonaro postu administrativu Maliana”, subliña Hugo.

Reportagem : Eva Ximenes

 3,434 Tatal Lee,  2 Views Today